Alpysty alqymdaǵanǵa da Olımpıada chempıony atanýǵa múmkindik beretin sport túrinen 2 lıtsenzııaǵa 7 sportshy úmitker

ASTANA. 22 sáýir. QazAqparat - Tórtkúl dúnıeniń asyǵa kútken dúbirli dodasy HHH jazǵy London olımpıadasy oıyndaryna 3 aı ýaqyt qaldy. Osy baıraqty básekede el namysyn qorǵaıtyn sportshylardyń da esimderi kún sanap, belgili bolyp úmitkerler qataryn tolyqtyrý ústinde.

Qazaqstan da bul úderisten keıin qalmaq emes. Ázirshe bizdiń qurama qorjynynda 80-ge jýyq olımpıada lıtsenzııasy bar. Degenmen, bokstan basqa qaı sportty alyp qarasaq ta, ázirshe, lıtsenzııa bolǵanymen qaı sportshynyń Londonǵa baratyndyǵy sheshilgen joq. Sonda da «QazAqparat» agenttigi ótken aptada qolǵa alǵan bastamasyn jalǵastyryp,  oq atý saıysynan Olımpıada oıyndaryna barýy múmkin sportshylardy tanystyrýyn jalǵastyrady.

Sonymen sóz qozǵap otyrǵan sporttyń bul túrinen ázirshe Qazaqstan sportshylary Olga Dovgýn men Vıacheslav Podlesnyı ǵana eki lıtsenzııany qanjyǵalaryna baılady. Degenmen Tumandy Albıonda elimizdiń namysyn qaı sportshynyń qorǵaıtyndyǵy naqty sheshilgen joq. «Biz sportshynyń myltyq atý nemese tapansha atý tobyna qaramastan-aq olardy aýystyra alamyz. Aýystyrýdyń belgili bir erejesi de bar. Sondyqtan qazirgi ýaqytta enshimizdegi 2 lıtsenzııaǵa 7 sportshy úmitker», - deıdi elimizdiń oq atýdan memlekettik jattyqtyrýshysy Galına Korchma.

Jalpy, onyń atap ótýinshe, sportshylarymyz eń aldynmen Londonda, odan keıin Mılan men Mıýnhende ótetin álem kýbogynyń úsh kezeńinde júldeli oryndarǵa taban tireýi qajet.  Taǵy bir joly bar, oǵan sáıkes sol sportshy atalǵan jarystarda eki márte 4-6 oryndarǵa jaıǵasýy kerek. Sonda ǵana ol O.Davgýnniń qanjyǵasyndaǵy lıtsenzııaǵa qol soza alady.

London olımpıadasynda Qazaq eli úmit artyp otyrǵan sportshylardyń biri - Olga Dovgýn. 1970 jyly 1 qyrkúıekte Shymkent qalasynda dúnıege kelgen ol Sıdneı, Afıny, Beıjińde ótken Olımpıada oıyndaryna qatysqan. Álemniń eki dúrkin chempıony, І Afrıkalyq-Azııalyq oıyndardyń júldegeri, XIV jáne XV Azııa oıyndarynyń jáne Eýropanyń, Azııanyń KSRO-nyń Qazaqstannyń chempıony ári júldegeri. Sondaı-aq bul sporshy Álemniń, Eýropanyń, KSRO-nyń, Qazaqstannyń myltyq atýdan rekordyn jańartqan. Gýanchjoýda ótken  XVI Azııa oıyndarynda oq atý saıysyndaǵy dara sanatta kúmis medaldi enshilegen. І, ІІ, ІІІ Ortalyq Azııa oıyndarynyń 13 márte, Qazaqstan halyqtary І spartakıadasynyń 3 márte chempıony atanǵan. Aıta keterligi, O.Dovgýn resmı halyqaralyq jarystarda shaǵyn kalıbrli myltyqtan oq atý nátıjesi boıynsha múmkin 600 upaıdyń 600-in de enshiligen álemdegi jalǵyz mergen.

«Bizdiń eń jeńimpazdyq ataǵy mol sportshymyz. Úsh márte Olımpıada oıyndaryna qatysqan, al London olımpıadasy tórtinshi bolýy bek múmkin. Sondyqtan biz oǵan zor senim artyp otyrmyz», - deıdi G.Korchma.

Onyń aıtýynsha, úmit kúttiretin sportshylardyń biri Rashıd ıÝnýsmetovtiń de London olımpıadasynda óner kórsetýge múmkindigi mol. «Ol qurama sapynda olımpıadada jarys jolyna shyǵýǵa múmkindigi zor negizi úmitkerlerdiń biri. Biz ony quramanyń kóshbasshysy sanaımyz», - dedi jattyqtyrýshysy.

Shymkent qalasynyń atynan óner kórsetetin R.ıÝnýsmetov halyqaralyq sanattaǵy sport sheberi. Álem kýbogynyń kezeńderinde jeńimpaz bolyp, birneshe ret júldeger atanǵan. Azııa chempıony, Doha qalasynda ótken 15-shi Azııa oıyndarynda kúmis medaldi qanjylaǵan. Qazaqstan Respýblıkasynyń birneshe márte chempıony. Germanııada ótken álem kýbogynyń aqtyq máresinde kúmis medal utyp alǵan.

 

Olımpıadalyq lıtsenzııadan úmitti kelesi sportshymyz 31 jastaǵy almatylyq Záýresh Baıbosynova da halyqaralyq sanattaǵy sport sheberi. Álem kýbogynyń kezeńderinde jeńimpaz bolyp, birneshe ret júldegerler qatarynan kóringen. Komandalyq esepte Gýanjoýda ótken 16-shy Azııa oıyndarynda chempıon atanǵan. Elimizdiń de birneshe márte chempıony.

«Óte tájirıbeli sportshy, olımpıadaǵa baratyn quramanyń sapynan oryn alýǵa barlyq múmkinshilikteri bar», - dedi onyń barlyq múmkinshilikterin bes saýsaǵyndaı biletin jattyqtyrýshy.

 

 

 

27 jastaǵy kelesi sportshymyz ıÝlııa Drıshlıýk Pavlodar qalasynan óner kórsetedi. Halyqaralyq sanattaǵy sport sheberi dárejesi bar ol Álem kýbogy kezeńderiniń birinde kúmis júldeger atanǵan. Sonymen qatar Dohada ótken 15-shi Azııa oıyndarynyń júldegeri, Gýanjoýda ótken 16-shy Azııa oıyndarynda  komandalyq esepte chempıon boldy. Qazaqstannyń birneshe márte chempıony.

«Bul sportshymyzdyń da qurama sapynan oıyp oryn alýǵa múmkinshiligi bar. Biraq ta aıtarlyqtaı nátıjelerge qol jetkizgen joq. Meniń oıymsha, ol aldaǵy ýaqytta ózin jańa qyrynan kórsetetin bolady», - dedi G.Korchma.

 

 

«Bolashaǵy óte zor sportshy ári olımpıada oıyndarynda jarys jolyna shyǵýǵa múmkinshiligi bar». Bul pikirdi memlekettik jattyqtyrýshy el namysyn Londonda qorǵaýǵa qabileti jetetin sportshylarymyzdyń biri Vladımır Isachenkoǵa qatysty bildirdi. Almaty qalasynyń týmasy V.Isachenko elimizdiń halyqaralyq sanattaǵy sport sheberleriniń biri. 2004 jyly Afınada ótken jazǵy Olımpıada oıyndarynda aqtyq márege deıin jetip súringen. 2006 jyly Dohada ótken Azııa oıyndarynyń júldegeri. 2002 jyly Fınlıandııada ótken Jasóspirimder arasyndaǵy álem chempıony.

 

 

 

  Tosynnan syı jasap, Qazaqstan quramasynyń qorjynyna olımpıada lıtsenzııasyn salǵan sportshylardyń biri - Vıacheslav Podlesnyı. Pavlodar qalasynyń atynan óner kórsetetin ol halyqaralyq sanattaǵy sport sheberi. Germanııanyń Mıýnhen qalasynda ótken álem chempıonatynda qola medal enshilegen. Azııa chempıonatynyń jeńimpazy ári júldegeri.

«Ol endigi ýaqytta bizdiń komanda kóshbasshylarynyń biri bolyp tabylady. Sońǵy álem chempıonatynda dál osy sportshymyz lıtsenzııa utyp alǵan bolatyn. Degenmen biz odan mundaı nátıje kútpegen edik», - dep aǵynan jaryldy G.Korchma.

 

 

Lıtsenzııadan úmitti sońǵy sportshymyz - 21 jastaǵy Aleksandra Malınovskaıa. Bul sportshymyzdyń da halyqaralyq sanattaǵy sport sheberi dárejesi bar. Germanııanyń Mıýnhen qalasynda ótken álem chempıonatynda tórtinshi orynǵa turaqtaǵan. Azııa chempıonatynyń, Stýdentter arasyndaǵy álem chempıonatynyń júldegeri.

«Ol sońǵy Azııa chempıonatynda Olga Dovgýnmen birge óner kórsetti. Ókinishke oraı oǵan lıtsenzııa ıelenýge tek1 upaı ǵana jetpeı qaldy», - dedi Memlekettik jattyqtyrýshy.

Jalpy G.Korchmanyń atap ótýinshe, oq atý óte erekshe  sport túri ári sportshy onymen 60 jasqa deıin de aınalysýyna bolady. Ol úshin psıhologııalyq ustanym asa qajet. «Qazirgi ýaqyttaǵy daıyndyq deńgeılerine qatysty aıtar bolsam, R.ıÝnýsmetovti, O.Dovgýn men Aleksandra Malınovskaıany erekshe atap óter edim. Bul sportshylar dál osy mezette barynsha daıyn», - dedi ol.