Alpysqa tolmasańyz kirmeısiz - qaraǵandylyq kásipker Búrkittide «Aqsaqaldar klýbyn» ashyp berdi
«Osyndaı úlgilerdiń birin - bizdiń jerlesimiz Gennadıı Golovkın pash etti. Ol ózi ósken Maıqudyqta balalar alańyn ashyp berdi. Bul týraly ózderińiz bilesizder. Gennadııdiń bastamasynan keıin demeýshiler qyryqqa jýyq sporttyq jáne balalar alańyn ashty», - deıdi Qaraǵandy oblysynyń ákimi.
Erlan Qoshanovtyń aıtýynsha, «Rýhanı jańǵyrý» baǵdarlamasyna karateshi Tımýr Raıymbekov te ún qosqan.
«Jalpy aıta keterim - bul baǵytta sportshylar basqalardan góri erekshe belsendilik tanytyp jatyr. Karateden qazirgi álem chempıony Tımýr Raıymbekov balalardy sportqa tartý baǵytynda úlken úles qosyp, balalardyń aýla klýbyn damytyp jatyr. Ótken jyly ol Qaraǵandyda shaǵyn sport keshenin ashty. Búgingi tańda ol sport kesheniniń tanymaldylyǵy sonshalyq, nıet bildirýshiler ol jerge syımaı qaldy. Bıyl ol taǵy osyndaı úsh alań ashqaly otyr. Úsh jyl ótkennen keıin bizdiń aýla klýbtarymyzdyń sany 15-ke jetedi», - deıdi ol.
Erlan Qoshanovtyń aıtýyna qaraǵanda, Búrkitti aýylynda Rýslan ıÝn atty taǵy bir kásipker bir ǵımarat turǵyzyp, ony Aqsaqaldar klýbyna tapsyrǵan. Ǵımaratty da Rýslan ıÝn - «Aqsaqaldar klýby» dep ataǵan. Onyń ishinde oıyn alańy, monsha, banket zaly bar. Búrkitti aýylyndaǵy bar-joǵy myń adam úshin bul klýb - kezdesýge taptyrmas orynǵa aınalǵan kórinedi.
«Ádettegi klýbtarda «feısbaqylaý» bolsa, ol klýbta «eıdjbaqylaý» bar. Demek, jasy alpysqa tolmaǵandar ol klýbqa kire almaıdy. Buny aqsaqaldardyń ózi qatań baqylaıdy», - deıdi Erlan Qoshanov.