Álnazarova ferroqorytpa zaýytyndaǵy apattan kóz jumǵan qaraǵandylyqtyń otbasyna kóńil aıtty

<p>ASTANA. KAZINFORM &ndash; Densaýlyq saqtaý mınıstri Aqmaral Álnazarova Úkimet otyrysynan keıin ótken baspasóz máslıhatynda Qaraǵandy ferroqorytpa zaýytyndaǵy apattan kóz jumǵan jumysshynyń otbasyna kóńil aıtty.</p>

«Jalpy tolyqqandy aqparatty keıin beremiz. Qurmetti áriptester, áriptesim jańa maǵan zardap shekkenderdiń biri qaıtys bolǵanyn aıtty. Marqumnyń otbasyna kóńil aıtamyz. Medıtsına qyzmetkerleri oqıǵa ornynda qajettik kómektiń bárin kórsetti. Jańa aıtqanymdaı, arnaıy brıgada jiberilgen. Alǵan kúıiktiń kólemi ómir súrý talaptarymen sáıkespeıtin edi dep aıtýǵa bolady. Óıtkeni zaqymdaný kólemi óte úlken boldy», - dedi ol.

BAQ ókilderi apattan zardap shekken adamdardyń jaǵdaıy tym aýyr bolýyna jedel járdemniń der kezinde kelmeı, basqa kólikpen tasymaldanýy qanshalyqty áser etkenin surady.

«Biz qajet bolsa, ol jaǵyn tolyq tekseremiz jáne qosymsha aqparat beremiz. Negizi jedel járdem qyzmetine qońyraý túsken. Biraq ol jetkenshe zaýyt qyzmetkerlerin sondaǵy basqa kólikpen medıtsınalyq nysanǵa jetkizgen. Jedel járdemniń kelýin kútse, mamandar áýeli sol jerde alǵashqy kómek berip, aýyrsyný shogyna qarsy dári-dármek berer edi. Degenmen, jaǵdaıy aýyr delingen 6 adam óte úlken kólemde kúıik alǵan», - dedi Aqmaral Álnazarova.