Álimhanulynyń jattyqtyrýshysy Mıhaılovıchpen jekpe-jek nege bolmaıtynyn aıtty

<p>ASTANA. KAZINFORM&mdash; Elimizdiń eńbek sińirgen jattyqtyrýshysy Murat Sıqymbaev Kazinform agenttiginiń tilshisine Andreı Mıhaılovıchpen jekpe-jektiń ne sebepti bolmaı qalǵany týraly óz oıymen bólisti.</p>

- Jánibekte Amerıkada kóp ózgeris bolyp jatyr, men qazir Almatyda bolǵandyqtan, bárin baspasózden bilip otyrmyn. Álimhanuly Mıhaılovıchpen jekpe-jekte WBC jáne WBA nusqalary boıynsha álem chempıondarymen kúresýge jáne orta salmaqtaǵy absolıýtti álem chempıony bolýǵa múmkindik beretin jańa kásibı jáne medıa deńgeıge shyǵady dep úmittendim. Alaıda, bolar is boldy. Osydan keıin Jánibek óziniń daıyndyǵyn qaıta qaraýy kerek. Salmaq jarysy - kóp kúsh pen energııany qajet etetin protsess. Stress pen qysym deneniń ózine kelýine kedergi keltirýi múmkin. Meniń oıymsha, bul - úlken másele. Jánibek úshin bul jaqsy sabaq bolady dep senemin jáne bizdiń chempıon budan bylaı ótken qatelikterdi eskeredi.

- Siz óz tálimgerińizdiń jeńisine senimdi ekenińizdi aıttyńyz. 

- Ókinishke qaraı, Jánibektiń basynan mundaı jaıt ótti. Rıo-de-Janeıro Olımpıadasynda Kamran Shahsývarlyǵa qarsy. Sodan beri kóp ýaqyt ótse de, sol Olımpıada oıyndarynyń saldary áli de qaldy. Jalpy, eger biz otandasymyzdyń sheberlik deńgeıine qarasaq, onyń Mıhaılovıchten artyqshylyǵyna kúmándanatyndar az. Jánibek durys daıyndyqpen kez kelgen qarsylasyn jeńe alady dep sanaımyn. Onyń ishinde Saýl Alvares, Karles Adames, Djermallo Charlo jáne basqa da ataqty chempıondar bar. 

Esterińizge sala keteıik, Álimhanuly - Mıhaılovıchtiń qazaqstandyqqa tıesili WBO jáne IBF tıtýldary úshin kezdesýi 13 shildede Las-Vegasta (AQSh) ótýi tıis edi. Biz buǵan deıin chempıondyq jekpe-jektiń toqtatylý sebepteri týraly habarlaǵan bolatynbyz.

Qazirgi ýaqytta Murat Sıhymbaev MMA-dan ataqty chempıon Shavkat Rahmonovty jeke daıyndaıdy (18-0). UFC-degi Qazaqstannyń úzdik ókili ataqty mamannan boks daǵdylaryn úırenedi.