Álimhan Syzdyqov Olımpıadaǵa lıtsenzııa jeńip aldy

<p>BІShKEK. KAZINFORM — Qyrǵyzstan astanasy Bishkek qalasynda kúres túrlerinen ótip jatqan lıtsenzııalyq týrnırde grek-rım kúresinen Álimhan Syzdyqov Olımpıada joldamasyn jeńip aldy.</p>

Naqtyraq aıtsaq, kúres túrlerinen lıtsenzııalyq týrnırdiń sheshýshi kúninde Azııa chempıony asa aýyr 130 kelidegi Álimhan Syzdyqov jartylaı fınalda tájirıbeli Qyrǵyzstan balýany, Azııa chempıonatynyń birneshe márte júldegeri Roman Kımdi jeńip, Praıj olımpıadasyna joldama jeńip aldy.

Bul — Qazaqstan qorjynyna túsken 46-shy joldama.

Osyǵan deıin 60 kelidegi Aıdos Sultanǵalı jartylaı fınalda Taıpeı ókili, Azııa chempıonatynyń qola júldegeri Jýı Chı Hýangtan basym túsip, Olımpıada oıyndaryna joldama jeńip alǵan bolatyn. 

Odan keıin 77 keli salmaqtaǵy ulttyq quramanyń tájirıbeli balýany, álem chempıonatynyń kúmis júldegeri Demeý Jadyraev jartylaı fınalda Ońtústik Koreıa balýanyn 5:2 esebimen utyp, Franııa astanasy Parıjde ótetin bıylǵy jyldyń basty dodasyna joldama jeńip aldy.

Ókinishke qaraı 67 kelide el namysyn qorǵaǵan Meıirjan Shermahanbet jartylaı fınalda 2023 jylǵy Azııa chempıonatynyń kúmis júldegeri Kıotare Sogabege (Japonııa) jol berdi.