Almaz Sharman: Vaktsınalaý pandemııadan qorǵaıtyn ımmýnologııalyq jastyqty qalyptastyrýǵa kómektesedi

ALMATY. QazAqparat – Qazaqstannyń profılaktıkalyq medıtsına akademııasynyń prezıdenti Almaz Sharman COVID-19 qarsy vaktsınanyń perspektıvalary týraly aıtty, dep habarlaıdy QazAqparat tilshisi.

Almaz Sharman pandemııa 2021 jyldyń ortasynda nemese sońynda aıaqtalýy múmkin ekeni týraly derekterdi keltirdi. Ony tıimdi jáni qaýipsiz vaktsınalardyń daıyndaýmen baılanystyrady, álemde mundaı vaktsınalardy jasaý úshin eki júzge jýyq zerthana jumys istep jatyr.

«Koronavırýsqa qarsy Pfizer/BioTech jáne Moderna kompanııasynyń vaktsınasy jaqynda synaqtan sátti ótti. Olardyń tıimdiligi 95 paıyzdan asqan. Bul óte joǵary kórsetkish. Eki vaktsına matrıtsalyq RNK-nyń eń zamanaýı tehnologııasyna negizdelgen. Onyń basty ereksheligi tek antıdenelerdiń bólinýine ǵana emes ári jasýshalyq ımmýndyq áserine de yqpal etedi. Bul nátıjelerdiń barlyǵy mamandardyń boljamynan asyp tústi jáne shabyttandyrýda. Demek, ǵalymdar COVID-19-dy jeńý jolynda taǵy bir mańyzdy qadam jasaǵan sııaqty», — dedi ol.

Kelesi jyly birneshe mıllıard dozada túrli vaktsınalar óndiriledi dep kútilýde. Onyń ústine, álemde halyqty vaktsınatsııalaý máselesi túrli pikirler týdyrýda.

Professordyń aıtýynsha, vaktsınalar adamzatqa pandemııadan qorǵaıtyn ımmýnologııalyq jastyqty qalyptastyrýǵa kómektesedi. Alaıda, aǵzada koronavırýsqa qarsy beıtarap antıdenelerdiń qanshalyqty uzaq saqtalatyny jáne adamnyń qansha ýaqytqa ımmýnıtetke ıe bolatyny áli de túsiniksiz. Osyǵan baılanysty, keıbir jasalyp jatqan vaktsınalar eki nemese odan da kóp ekpeni qajet etýi múmkin.

Eske salsaq, Qazaqstanda otandyq QazCovid-in vaktsınasyn klınıkalyq zertteýdiń qorytyndy III kezeńiniń bastalýy maquldandy. Aldyn ala zertteý nátıjeleri vaktsınanyń joǵary qaýipsizdigi, ımmýnogendiligi jáne tıimdilik deńgeıiniń 96% kórsetýde.