Almaz Sharman elimizdegi vaktsınalardyń qaısysy úndi shtamynan jaqsy qorǵaıtynyn aıtty

NUR-SULTAN. QazAqparat – Profılaktıkalyq medıtsına akademııasynyń prezıdenti, Amerıka densaýlyq saqtaý qaýymdastyǵynyń múshesi, ımmýnolog Almaz Sharman qazaqstandyqtarǵa egilip jatqan vaktsınalardyń basty erekshelikterin atady, dep habarlaıdy QazAqparat.

«Vaktsınalarǵa eki turǵyda qaraý kerek dep esepteımin. Qazaqstandaǵy «Spýtnık V» vaktsınasy eki komponentin tolyq alǵan jaǵdaıda aǵzany vırýstan jaqsy qorǵaı alady. Syńar komponentin emes, qos komponentin birdeı alý mańyzdy. Gamaleıa ınstıtýty málimdegen zertteýler zerthana qutysynda jasalǵan. ıAǵnı, olar vırýsty quty ishinde zalasyzdandyrdy. Negizi, vaktsınanyń tıimdiligi dáleldeıtin jalǵyz durys jol – shynaıy jaǵdaıda synaý. Basqa memleketterde adenovırýstyq vaktsınalar delta-vırýstan eki komponentin birdeı alǵanda tıimdi qorǵaı alatynyn kórsetip otyr. Men elimizde salynyp jatqan vaktsınalar «delta+» shtamynan da qorǵaı alady dep topshylap otyrmyn. «Spýtnık V» vaktsınasy da adenovırýstyq ekpe bolǵandyqtan, ony da delta shtamynan qorǵaıdy dep aıtýǵa bolady», -dedi professor.

Sarapshy QazVac vaktsınasynyń múmkindigine de toqtaldy.

«Qazaqstandaǵy vaktsınalardyń kelesi túri ınaktıvtendirilgen ekpe ekenin bilesizder. Ol – Sinopharm, Sinovac sııaqty vaktsınalar. Men QazVac-ty da osy qatarǵa qosar edim. Bul ekpeler kóbinese qaıǵyly jaǵdaılardan qorǵaýǵa baǵyttalǵan. ıAǵnı, aýyr jaǵdaıdaǵy naýqastardy jaqsy qorǵaıdy. Bul ekpeler naýqas juqtyrýdan azyraq qorǵaǵanymen, reanımatsııa men jasandy ókpe apparattaryna túspeýine kómektesedi.

Atalǵan vaktsınalardyń osy qasıetteri delta shtamyna da dál osylaı áser etedi dep esepteımin. «Delta+» shtamy týraly estip jatyrmyz. Biraq ony Dúnıejúzilik densaýlyq saqtaý uıymy áli resmı rastamaǵandyqtan, ázirge delta shtamy dep jalpy ataýmen qaraý jón dep oılaımyn», - dedi Almaz Sharman.