Almaz Muhametjanov Bas prokýror apparatynyń basshysy bolyp taǵaıyndaldy

<p>Bas prokýrordyń buıryǵymen Bas prokýror apparatynyń basshysy qyzmetine Almaz Muhametjanov taǵaıyndaldy, dep habarlaıdy <a href="https://kaz.inform.kz/" target="_blank" rel="noopener">Kazinform </a>vedomstvonyń baspasóz qyzmetine silteme jasap. &nbsp;</p>

Almaz Muhametjanov 1972 jyly dúnıege kelgen. Eńbek jolyn 1994 jyly bastap, Qaraǵandy qalasy Sovet aýdany prokýrorynyń kómekshisi, prokýratýranyń tergeýshisi, Qaraǵandy oblysy prokýratýrasynyń áleýmettik-ekonomıkalyq saladaǵy zańdylyqty qadaǵalaý bóliminiń prokýrory qyzmetterin atqarǵan.

Bas prokýratýrada 1998 jyldan bastap jumys isteıdi. Astana qalasy boıynsha QSAO basshysy, Bas prokýratýranyń Quqyqtyq statıstıka jáne arnaıy esepke alý komıteti tóraǵasynyń orynbasary, Bas prokýratýranyń halyqaralyq qatynastar departamenti bastyǵynyń orynbasary, Bas prokýror apparatynyń uıymdastyrý – baqylaý jumysy bóliminiń bastyǵy qyzmetterin atqardy.

2009 jyldyń sáýirinen 2012 jyldyń aqpanyna deıin Ádilet mınıstrliginiń NQA tirkeý departamentiniń dırektory bolyp jumys istedi.

2012 jyldan bastap qazirgi tańǵa deıin Qazaqstan Respýblıkasy Bas prokýratýrasynyń Normashyǵarmashylyq qyzmetti úılestirý basqarmasynyń, sosyn departamentiniń bastyǵy laýazymdaryn atqaryp keldi.

«Eren eńbegi úshin» medali jáne «Qurmet» ordenimen marapattalǵan, prokýratýra organdarynyń qurmetti qyzmetkeri.