Almatynyń janarmaı beketterinde dızel tapshylyǵy baıqaldy

ALMATY. QazAqparat - Almatynyń janarmaı beketterinde dızel jetispeı jatyr. Bul týraly Almaty qalalyq kásipkerlik jáne ınvestıtsııa basqarmasy málim etti, dep habarlaıdy QazAqparat tilshisi.

Basqarmanyń málimetinshe, 10 naýryzdaǵy jaǵdaı boıynsha Almaty qalasynda 213 janarmaı quıý stantsııasy (JQS) istep tur.

Onyń ishinde iri jeliler (Gelıos, RP, Sınoıl, QazMunaıGaz, Petrol Azııa, Gazpromneft) boıynsha 176 JQS bar. Ol 80% quraıdy.

Almaty qalasy boıynsha dızeldi janarmaıdyń ortasha baǵasy - 230 teńge, AI-92 markaly benzın – 180 teńge, AI-95 – 214 teńge.

Dızeldi janarmaıdyń táýliktik qajettiligi - 900 tonna.

Búgingi kúni janarmaı quıatyn iri jeliler men munaı bazalarynda shamamen 11 myń tonna dızeldi janarmaı bar.

Aldaǵy 3-4 kún ishinde taǵy 4,7 myń tonna dızel otyny jetkiziledi dep kútilip otyr.

«Almaty qalasynda dızel tapshylyǵy joq. Degenmen, qalanyń keıbir JQS-tarynda dızeldi janarmaıdyń jetispeýshiligi baıqalady. Ol óziniń jeke munaı bazasynyń bolmaýy men zaýyttardan aldyn ala satyp alýǵa baılanysty bolyp tur. Bul rette janarmaı beketi ıelerimen kezdesý ótkizildi. Shara barysynda zańdastyrylǵan naýryz aıyna arnalǵan kólem jetpeıtin dızeldi janarmaı kólemin jabatyny belgili boldy. Sondaı-aq qalalyq kásipkerlik jáne ınvestıtsııa basqarmasy janarmaı tapshylyǵyna jol bermeý máselesi boıynsha JQS ókilderimen keńes ótkizdi», - dep habarlady vedomstvodan.

Eske salsaq, Astanadaǵy janarmaı beketterinde avtogaz jetpeı jatqanyn habarlaǵan bolatynbyz.