Almatynyń Túrksib aýdanynda 56 jobaǵa 875 mln teńge bólindi

ALMATY. QazAqparat - Bıyl «Halyq qatysatyn bıýdjet» baǵdarlamasy boıynsha Túrksib aýdanyna qosymsha 875 mln teńge bólindi. Bul týraly Erbolat Dosaev halyqpen kezdesýde málim etti, dep habarlaıdy QazAqparat tilshisi.

«Atalǵan qarajatqa 56 jobany, onyń ishinde jalpy paıdalaný oryndaryn abattandyrý, balalar men sport alańdaryn jaılastyrý, jaryqtandyrý jelilerin salý jobalaryn iske asyrý josparlanyp otyr», - dedi Erbolat Dosaev.

Aıta keteıik, 2023 jyly «Halyq qatysatyn bıýdjet» jobasyn qarjylandyrýǵa qosymsha 7 mlrd teńge bólindi.

Bir jobalyq usynystyń eń joǵary quny 86,2 mln teńgeden (25 myń AEK) aspaýy kerek.

Osy jobalardyń jıyntyq quny árbir aýdan úshin «Halyq qatysatyn bıýdjet» lımıtinen (875 mln teńge) aspaýy tıis.

Eske salaıyq, «Halyq qatysatyn bıýdjet» jobasy Almatyda 2019 jyl iske qosyldy.