Almatynyń taý bókterinde zańsyz úıler salynyp jatyr

ALMATY. QazAqparat –Almatynyń taý bókterinde jer úıler salynyp jatyr, dep habarlady QazAqparat tilshisi.

Onlaın brıfıng barysynda jýrnalıster Almaty qalasy Bostandyq aýdany ákiminiń orynbasary Serik Ádilbaevtan taý baýraıyndaǵy úılerdiń salynýy zańdy ma dep surady.

«Iá, Bostandyq aýdanyna qarasty taýda úıler salynyp jatqany ras. Aýmaq oblystan Almatyǵa ótkennen keıin 64 úı zańdastyryldy. Qazir biz buryn salynǵan, biraq zańdastyrylmaǵan jeke úılerdiń sanyn bilemiz. Olar «Kókshoqy» jáne «Alma-Arasan» shaǵynaýdandarynda ornalasqan. Onda 9 zańdastyrylmaǵan jeke turǵyn úı bar. Bul úılerdiń ıelerinde eshqandaı qujattar joq. Qazir sol jerde arnaıy komıssııa quryldy, ol zańdastyrý máselesimen aınalysýda «, - dep jaýap berdi ol.

Onyń aıtýynsha, taýly aımaqtardaǵy qurylystarǵa kúndelikti tekserý júrgiziledi.