Almatynyń soltústik bóligine sýyq sý berildi
11:07, 26 Qyrkúıek 2018
ALMATY.QazAqparat - Almatynyń birqatar aýdandarynda Talǵar sý taratqyshyn jóndeýge baılanysty sýyq sý berý ýaqytsha toqtatylǵan edi. Alataý, Jetisý, Túrksib aýdandaryna josparlanǵan merzimnen buryn tolyq kólemde sý berildi, dep habarlaıdy QazAqparat tilishisi.
«Keshe keshqurym belgilengen júıemen sý berile bastady. Kúndiz-túni júrgizilgen jóndeý jumystaryna 28 jumysshy qatysty. Brıgada dánekerleýshi jáne sorǵy quraldary sııaqty arnaıy tehnıkalarmen jumys istedi» delingen «Almaty sý» MKK baspasóz qyzmeti tartqan habarlamada.
Qalanyń bas sý taratqyshynda 50 jyldan beri turǵan ilmekti-retteýish armatýrdy aýystyrý sý júıesin basqarýdy jeńildetip, qalanyń soltústik jáne batys aýmaqtaryn sýmen úzdiksiz qamtamasyz etýge múmkindik týdy.