Almatynyń shetki aýdandaryn damytýǵa 800 mlrd teńge jumsalmaq
Onyń aıtýynsha, «Almaty-2050» strategııasy qalanyń barlyq óńirleriniń damýyn, turǵyndardyń ómir sapasynyń artýyn kózdeıdi.
«Strategııa -qala damýynyń baǵyttaryn aıqyndaıtyn qujat.
Bul joǵary deńgeıdegi saýaldarǵa jaýap beredi. Qalaǵa qansha avtobýs satylyp alynatyny, qansha shaqyrym jol salynatyny týraly saýaldar qoıylady. Bul tómengi deńgeıdegi qujattarmen retteledi. Strategııa - Almatynyń shet aýdandaryn damytýdyń keshendi jospary. Munda ár bes jylǵa jospar qurylady. Máselen, 2024 jylǵa deıingi damý jospary qurylyp jatyr. Oǵan sáıkes qalanyń shetki aýdandaryn damytýǵa 800 mlrd teńge qarastyrylǵan. Qarajat óte aýqymdy», - dedi Nurtas Qaıyrov.
Onyń aıtýynsha, bul aqsha Alataý jáne Naýryzbaı aýdanynda ınfraqurylym jelilerin júrgizýge jumsalady.
Aıta ketý kerek, Almaty ákimi Baqytjan Saǵyntaev keshe qalanyń 2050 jylǵa deıingi Damý strategııasyn jarııalaǵan bolatyn.
Qujatqa sáıkes, qala 30 jylda 7 baǵyt boıynsha damıtyn bolady.