Almatynyń saýda, oıyn-saýyq ortalyqtarynda otandyq vaktsınany salý bastaldy
Mamandardyń aıtýynsha, búgin túske deıin «MegaPark oıyn-saýyq ortalyǵynda 100 adamǵa otandyq vaktsına egildi.
Almatylyq Ǵalııa Satybaldıeva otbasynda birinshi bolyp vaktsına alǵanyn aıtady.
«Men vaktsınany jańa aldym. Ekpeni óz erkimmen saldyrdym. Oǵan eshkim májbúrlegen joq. Qazaqstannyń vaktsınasyn saldyrdym. Osy mańda tıpografııada jumys isteımin. Buǵan deıin koronavırýspen aýyrǵanym joq, sodan qorǵaný úshin ekpe alýdy jón kórdim. Endi menen keıin otbasy músheleri de saldyrady dep oılaımyn», - deıdi ol.
Qalalyq №5 emhananyń balalar bóliminiń meńgerýshisi Gúlzat Baızaqova «QazVac» vaktsınasynyń erekshelikteri jaıly aıtyp berdi.
«Búgin bizge 100 doza vaktsına jetkizildi. Bunyń reseılik vaktsınadan aıtarlyqtaı ereksheligi joq. Otandyq vaktsınany 2-8 gradýsta saqtaýǵa bolady. «Spýtnıktiń» bir ampýlasynda 5 doza bolatyn, munda bir doza. Alǵash ret otandyq vaktsınany qańtarda 2 myńdaı dáriger alǵan, olardyń jaǵdaıy jaqsy jáne ekpe óz tıimdiligin kórsetti. Almaly aýdanynda osyndaı ekpe salatyn 12 oryn qurylǵan, búginnen bastap olarda «QazVac» salynyp jatyr», - deıdi dáriger.
Erikti azamattardan basqa, búginde ekpe alǵandardyń arasynda stýdentter, saýda ortalyǵynyń qyzmetkerleri, «Jas Otan» jastar qanaty men «Nur Otan» partııasynyń ókilderi boldy.