Almatynyń salyqshylary Nurlan Abdýllındi hanǵa «aınaldyrdy»

ASTANA. QazAqparat - Almaty qalasy boıynsha memlekettik kirister departamenti baqylaý-kassalyq mashınasynyń artyqshylyǵyn túsindirý úshin belgili ánshi Nurlan Abdýllındi Salyq hanǵa «aınaldyrǵan», dep habarlaıdy QazAqparat.

Almaty qalasynyń memlekettik kirister departamenti bul vıdeo arqyly qazynalyq málimetterdi saqtaıtyn fýnktsııasy bar baqylaý-kassalyq mashınasynyń paıdasyn kórsetpek bolǵan eken.

Vıdeo avtorlary  bunyń kreatıvti jolyń tańdap, Salyq hannyń handyǵyndaǵy oqıǵany baıandaǵan. ıAǵnı, buryn Qazaqstannyń kásipkerleri taýar chegin shyǵaryp bergenmen, eski mashınadaǵy málimetter qazynashylyqqa qolma-qol jetpese, servıste saqtalmaıtyn edi. Al, qazir qoldanys aıasy keńeıip kele jatqan baqylaý-kassalyq mashınasy chek shyǵaryp qana qoımaı, qazynashylyqqa tikeleı qosylǵan. Osy mashına arqyly kez kelgen saýdager bergen chektiń málimetteri qazynashylyqqa tikeleı jetip otyrady.

Rolıktegi Salyq hannyń rólin belgili ánshi Nurlan Abdýllın somdasa, qalǵan keıipkerlerdi salyq departamentiniń qyzmetkerleri oınap shyqqan eken.

Vıdeoda  «handyqta» turatyn halyq eski apparatty emes, baqylaý-kassalyq mashınasyn tańdap, «qazynalyq málimetterdi saqtaıtyn baqylaý-kassalyq mashınasy kez kelen jerde jolyńyzdy ashady», dep urandatady.