Almatynyń ortalyq kósheleri jeksenbi saıyn jaıaý júrginshi jolyna aınalady

ALMATY. QazAqparat – Almatynyń ortalyq kósheleri jeksenbi saıyn jaıaý júrginshi jolyna aınalady. Qolǵa alynǵan joba týraly ákimdik túsinik berdi, dep habarlaıdy QazAqparat tilshisi.

«Bizdiń qazirgi ustanymymyz osyndaı. Ol pılottyq rejımde bolady, aldymen Almaly aýdanyndaǵy kóshelerdi jabamyz. Osydan keıin kórsetkishterdi salystyramyz. ıAǵnı, aýanyń sapasyn baqylaımyz, shýdy ólsheımiz, jaıaý júrginshilerdiń sanyn qarastyramyz», – dedi onlaın brıfıng barysynda Almaty qalalyq jasyl ekonomıka basqarmasynyń basshysy Natalıa Lıvınskaıa.

Onyń aıtýynsha, osydan keıin ǵana bul jobanyń turaqty nemese ýaqytsha bolatynyna qatysty sheshim shyǵady.

«Múmkin qalanyń belgili bir aýdandarynda ǵana qoldanatyn bolarmyz» dep atap ótti basqarma basshysy.

Buǵan deıin, Almaty ákimi Baqytjan Saǵyntaev Almatynyń ortalyq kósheleri demalys kúnderi jaıaý júrginshiler jolyna aınalatynyn málim etken bolatyn.