Almatynyń memlekettik mektepterinde 133 myń bala tegin tamaqtanady

ALMATY. QazAqparat- Almatylyq oqýshylardyń 45% jýyǵy nemese 133 myń bala mektepterde tegin tamaqtanady. Bul týraly óńirlik kommýnıkatsııalar qyzmetinde ótken baspasóz máslıhatynda Almaty ákiminiń orynbasary Ásem Núsipova aıtty, dep habarlaıdy QazAqparat tilshisi.

Onyń aıtýynsha, bul maqsattarǵa jyl sońyna deıin jergilikti bıýdjetten 5,3 mıllıard teńge bólingen.

«Kelesi jyly azyq-túlik qunyn 560 teńgeden 800 teńgege deıin kóterdik, 2023 jyldyń bıýdjetinde bul úshin 18 mıllıard teńgeden astam qarjy qarastyryldy.Oqýshylardy utymdy teńgerimdi tegin tamaqpen qamtamasyz etý úshin maýsymdyq jáne jas erekshelikterin eskere otyryp, qalanyń barlyq mektepteri úshin ortalyqtandyrylǵan 4 aptalyq as máziri bekitilgen», - dedi Ásem Núsipova.

Buǵan deıin Almaty kásipkerleri oqýshylardy tegin tamaqtandyrýǵa bólingen qarajat shyǵyndy aqtamaıtynyn aıtqan bolatyn.