Almatynyń mektep oqýshylaryna jat dinı aǵymdardyń qaýpi túsindirildi
Sarapshy Dınara Mýsına bilim mekemesiniń 200 oqýshysyna jat dinı aǵymdar týraly keńinen áńgimelep berdi.
Onyń aıtýynsha, destrýktıvti jáne ekstremıstik toptar tarapynan júrgizilip otyrǵan keń kólemdi nasıhat jumystarynyń maqsaty ortaq – árbir shańyraqta óshpendilik pen alaýyzdyq otyn tutatý jáne qoǵamdaǵy aýyzbirshilikti joıý. Sol arqyly memlekettiń ulttyq qaýipsizdigi men qorǵanys qabiletine nuqsan keltirip, eldiń konstıtýtsııalyq qurylysy men aýmaǵynyń tutastyǵyn buzý.
«Destrýktıvti dinı aǵymdar óz qataryn meılinshe kóp adammen tolyqtyrýǵa asyǵady. Sol úshin mundaı uıymdardyń ókilderi arbaý jumystarynda ótirik aıtý, málimetti burmalap jetkizý, arnaıy psıhologııalyq aıla-tásilder qoldaný sekildi joldarmen neofıtterdiń sanasyna yqpal etedi. Teris pıǵyldy uıymdar qoǵamǵa ózderin dinı, emdik, saýyqtyrý, mádenı, saıası nemese bilim berý ortalyqtary retinde kórsetýge árekettenip, jaqtastarynyń sanyn kóbeıtýge tyrysady», - deıdi Dınara Mýsına.
Óz kezeginde mektep oqýshylary dáriskerden atalǵan aǵymnan qalaı saqtanýǵa bolatynyn surady.
«Adam sanasyn ýlaıtyn destrýktıvti uıymdardyń basty qaýpi – ortaǵa senim bilidirip kelgen adamnyń derbes oılana alý, syn kózben qaraý, óz betinshe sheshim shyǵara alý, qalaǵan ómir saltyn tańdaý qabiletterine shekteý qoıylady. ıAǵnı, azamattyń jeke bas bostandyǵy men quqyqtaryna qol suǵý oryn alady. Bul uıymdar barynsha qatarlaryn kóbeıtýge tyrysady. Sondaı-aq, olar adamdardyń jasyna qarmaıdy. ıAǵnı shekteý joq. Úlkenin de, kishisin de arbaýǵa tyrysady. Destrýktıvti toptyń músheligine kirý barysynda tulǵa ártúrli psıhologııalyq kezeńderden ótedi. Bul kezeńderde adam qate dinı ustanymdardy shynaıy senim retinde qabyldaıdy, Ol kezeńderdi shartty túrde tórtke bólip qarastyrýǵa bolady», - dep jaýap berdi spıker.
Onyń aıtýynsha, alǵashqy – baılanys ornatý kezeńi adamnyń jalǵan dinı aǵym ókilderimen tanysýymen bastalady. Osy kezde radıkaldy ıdeologtar óz ustanymyn tańý úshin burmalanǵan aqparattardy usynyp, qyzmetin adal ári durys dep kórsetedi. Prozelıtızmdik maqsatta psıhologııalyq yqpal etý tetikterin qoldanady. Bastapqy kezeńde ıdeologtar arbalatyn adamnyń boıynda dinge qyzyǵýshylyqty oıatý úshin ózderiniń dinı senimge beriktigin, árqashan kómek kórsetýge daıyn ekenin dáleldeýge tyrysady. Osylaısha, dostyq baılanysty ornatqan adammen tyǵyz qarym-qatynas jasaýdy qolǵa alady.
«Ekinshi kezeńde adam arbaýshylarǵa tolyqqandy senim bildirip, neofıt retinde dinı uıymnyń músheligine kiredi. Osy kezde ıdeologtar neofıtke «bizdiń ustanatyn dinı senimimiz ǵana aqıqat», al «shynaıy baqytqa tek top ishinde ǵana qol jetkizýge bolady» degen oılardy tańady. Sondaı-aq osy kezde neofıt basqa joldarmen keletin aqparattardan oqshaýlanyp, oı-órisi, sanasy ıdeologtar kórsetken baǵytpen qalyptasa bastaıdy.Nátıjesinde ıdeolog jeke ómirin tolyqqandy baqylaýǵa alǵan neofıttiń árbir qadamyn baǵalaı otyryp, onyń kez kelgen máselede aqyl-keńes suraıtyn ustazyna aınalady.
Úshinshi kezeńde destrýktıvti top ishinde psıhologııalyq óńdeýden ótken, syrtqy aqparattyq jáne áleýmettik baılanystardan oqshaýlanǵan adam top múshelerine baýyr basyp, óziniń ómirin tolyǵymen osy toptyń múddesine arnaýǵa daıyn bolady. Destrýktıvti toptan tys turǵan týysqandardyń, qoǵamnyń, memlekettiń barlyǵy arbaýdan ótken adam úshin jat bolyp keledi. Ondaı adam toptaǵy adamdardy ǵana ózine shynaıy dos tutyp, uıymdaǵy basshysynyń ámirine kózsiz boısunady.
Al, sońǵy – tórtinshi kezeńde ıdeologtardyń yqpalymen adamnyń ómirge jáne aınalasyndaǵylarǵa qatysty ustanymdar qalyptasady. Ózgelerdi ózinen artyq kórgen adamǵa jalǵan senimge negizdelgen ıdeıalar men kózqarastar tańylyp, mundaı adam uıymnyń múddesi úshin óziniń janyn da, malyn da qurban etýge daıyn turady» ,- dep túsindirdi ol.
Oqýshylarǵa arnalǵan dáris 45 mınýtqa sozyldy. Osy ýaqyt aralyǵynda balalar kóptegen maǵlumat aldy. Sondaı-aq, oqýshylar dinı ekstremızm men terrorızm týraly da suraqtar qoıdy.
Eske sala keteıik, JOO, kolledj jáne mektepterde mamandardyń dáris oqý sharalary Almaty qalalyq Qoǵamdyq damý basqarmasynyń bastamasymen ótip jatyr.