Almatynyń medıtsına uıymdary shamadan tys júktememen jumys istep jatyr – Memleket basshysy

ALMATY. QazAqparat – Memleket basshysy Qasym-Jomart Toqaev Almaty qalasyn damytý máseleleri jónindegi keńeste shahardyń medıtsına salasyna qatysty túıtkilderge toqtaldy, dep habarlaıdy QazAqparat Aqordanyń resmı saıtyna silteme jasap.

Memleket basshysynyń aıtýynsha, qazir qaladaǵy densaýlyq saqtaý uıymdary shamadan tys júktememen jumys istep jatyr. Ábden tozyǵy jetken ınfraqurylymdy Áleýmettik medıtsınalyq saqtandyrý qorynyń qarjysy esebinen jáne memlekettik-jekeshelik áriptestik negizindegi jobalardy júzege asyrý arqyly keshendi túrde jańǵyrtý qajet.

Prezıdent Densaýlyq saqtaý mınıstrligine medıtsına mekemelerindegi qarjy tapshylyǵyn joıý úshin keshendi sharalar qabyldaýdy tapsyrdy.

Sonymen qatar Prezıdent jıynda turǵyndardyń áleýmettik jaǵdaıyn jaqsartýǵa qatysty birqatar problemaǵa toqtaldy.

Memleket basshysynyń pikirinshe, eń aldymen, NEET sanatyna jatatyn jastardyń arasyndaǵy jumyssyzdyq máselesine aıryqsha nazar aýdarý qajet. Úkimetke jáne ákimdikke jastardy jumyspen qamtý úshin arnaıy baǵdarlama ázirleý jóninde tapsyrma berildi.