Almatynyń kommýnaldyq qyzmetteri kúsheıtilgen rejımge kóshti
21:54, 20 Naýryz 2023
ALMATY. QazAqparat – Almatynyń kommýnaldyq qyzmetteri kúsheıtilgen rejımge kóshirildi. Bul týraly qalalyq ákimdiktiń baspasóz qyzmeti málim etti, dep habarlaıdy QazAqparat tilshisi.
«Tutynýshylardy úzdiksiz elektr qýatymen, jylýmen, sýmen jáne gazben jabdyqtaý úshin 21, 22, 23 naýryzda Almaty energetıka jáne kommýnaldyq sharýashylyq kásiporyndary joǵary daıyndyq rejımine aýystyryldy»,- dep atap ótti ákimdikten.
Sonymen qatar kalanyń kommýnaldyq sharýashylyqtarynyń jedel ári jóndeý qyzmetkeriniń táýlik boıy kezekshiligi uıymdastyryldy.
«Sýdyń, býdyń nemese ashyq qudyqtar anyqtalǵan kezde «Almaty jylý jelileri» JShS apattyq-dıspetcherlik qyzmetine júginý qajet: +7 (727) 378-06-65 jáne +7 (727) 378-06-98. Basqa da tótenshe jaǵdaı kezinde qalalyq jedel qyzmetterge qońyraý shalyńyz»,- delingen habarlamada.