Almatynyń kommýnaldyq qyzmeti qysqa daıyn ba

ALMATY. QazAqparat – Almaty qalalyq Turǵyn úı saıasaty basqarmasy qardy tazalaý boıynsha óndiristik bazalar men mamandandyrylǵan tehnıkalardyń aldaǵy qysqa daıyndyǵyn tekserdi, dep habarlaıdy QazAqparat tilshisi.

Basqarma usynǵan derekke súıener bolsaq, joldardy tazalaý úshin 1038 birlik arnaıy tehnıkany (onyń ishinde «Almaty Tazalyq» MKK 690 birlik) paıdalaný josparda. Tehnıkany qysqy jumys rejımine qaıta jabdyqtaý aýa raıy jaǵdaılaryna baılanysty kezeń-kezeńimen júrgiziledi.

Qalyń qar jaýǵan jaǵdaıda 150 birlik qosymsha tehnıkany (samosvaldar, tıegishter) jalǵa alýǵa 18 qurylys uıymymen shart jasaldy.

30 myń tonna tuz jáne 60 myń tonna qum alyndy. Kóktaıǵaqqa qarsy materıaldardy normatıvtik sanyna (barlyǵy 33 myń tonna tuz, 80 myń tonna qum) jetkizý 15 qazanǵa deıin júrgiziletin bolady.

Qalyń qar jaýǵan jaǵdaıǵa, qosymsha 10 myń tonna tuz jáne 15 myń tonna qum jetkizýge shart jasaldy.

Barlyq aýdandarda qar úıindilerine arnalǵan jerler anyqtaldy.

Qazirgi kezde 1400 jol jumysshysy bar. Qysqy kezeńge qosymsha 1200-ge jýyq jol jumysshysyn tartý josparda jáne olardyń jalpy sany 2600 adam.