Almatynyń kommýnaldyq qyzmeti qalany tazartý jumystaryna kiristi
23:20, 09 Qańtar 2022
ALMATY. QazAqparat - Almaty ákimi Baqytjan Saǵyntaevtyń tapsyrmasy boıynsha qalanyń kommýnaldyq qyzmeti qalany tazartý jumystaryna kiristi. Bul týraly Qala tirshiligin qamtamasyz etý shtabynan málim etti, dep habarlaıdy QazAqparat.
Búgin Almatyda 950 tonna qatty turmystyq qaldyq shyǵaryldy.
«Megapolıs kóshelerin qoqystan tazartý jumystaryna «Tártip» JShS-nyń 145 arnaıy tehnıkasy men 525 jumysshysy jumyldyryldy. Sonymen qatar «Almaty Tazalyq» JShS 215 tonna qoqys shyǵardy. Bul jumystarǵa 224 arnaıy tehnıka, 868 jumysshy tartyldy. Qoqysty shyǵarý aldaǵy ýaqytta da jalǵasady», - dedi shtabtan.
Eske salaıyq, qalada 19 qańtarǵa deıin tótenshe jaǵdaı rejımi engizildi.