Almatynyń qoǵamdyq kólikterinde Wi-Fi qashan qosylady

ALMATY. QazAqparat –Almatyda avtobýstar men trolleıbýstar Wi-Fi-ǵa qazan aıynyń sońyna deıin qosylady. Bul týraly qalalyq Mobıldilik basqarmasynyń basshysy Erlan Ádilov onlaın brıfıng barysynda aıtty, dep habarlaıdy QazAqparat tilshisi.

«Qazirgi ýaqytta Wi-Fi qurylǵysyn ornatý boıynsha, tasymaldaýshy kompanııalar operatorlarmen kelissózder júrgizýde. Aldaǵy ýaqytta qaladaǵy «Elektrotranstyń» bir bóligine Wi-Fi engiziledi. Jabdyqtardy kezeń-kezeńimen ornatý jumystary bastalyp ketti. Shamamen qazan aıynyń sońy men qarashanyń basynda Wi-Fi qosylǵan alǵashqy 50 trolleıbýs qyzmet kórsete bastaıdy», - dedi Erlan Ádilov.

Onyń aıtýynsha, Wi-Fi avtobýstarǵa kezeń-kezeńimen ornatylady.