Almatynyń kelesi jylǵy bıýdjeti – 1,2 trıllıon teńge

ALMATY. QazAqparat – Almaty qalasynyń 2023 jylǵa arnalǵan naqtylanǵan bıýdjeti 1 trln 258,2 mlrd teńge bolyp bekitildi. Onyń basym bóligi turǵyndardy áleýmettik qoldaýǵa baǵyttalady, dep habarlaıdy QazAqparat tilshisi.

Kezekten tys sessııada máslıhat depýtattary qala bıýdjetin bekitti. Kelesi jyly bıýdjet myna salalarǵa jumsalady:

- Muǵalimderdiń, medıtsına qyzmetkerleriniń eńbegine aqy tóleýge, vaktsınalar satyp alýǵa, halyqty áleýmettik qoldaýǵa 776,6 mlrd teńge;

- Infraqurylymdyq jobalardy qarjylandyrýǵa 230 mlrd teńge; - Bıýdjettik alýlarǵa 207,2 mlrd teńge;

- MJÁ sheńberindegi mindettemelerge jáne memlekettik qaryzdy óteýge 21,4 mlrd teńge; Almaty qalasy ákiminiń rezervin tolyqtyrýǵa 22,5 mlrd teńge. Qalalyq ákimdiktiń málimetinshe, Almaty qalasy bıýdjetiniń jartysy turǵyndardy áleýmettik qoldaýǵa jumsalady. 2520 oryndyq 10 memlekettik balabaqsha salý josparlanyp otyr, taǵy 5000 oryndyq memlekettik tapsyrys jeke balabaqshalarǵa beriledi.

Jalpy 337 myń oqýshyny qamtıtyn 211 mektepti, 16 ınternattyq mekemeni, 50 kolledjdi ustaýǵa 242,5 mlrd teńge josparlanǵan. 18 mektepten tys uıymǵa qosymsha bilim berýge taǵy 2,2 mlrd teńge bólinedi. 2505 tárbıeshini, 3 myń mektep muǵalimin, 150 qyzmetkerdi qaıta daıarlaýǵa jáne biliktiligin arttyrýǵa basqarýshy personaldan 2,8 mlrd teńge baǵyttalady.