Almatynyń kásipkerlik sýbektilerinen eki jylda 2017 zańsyz ónim tárkilengen
Almaty qalasy Ádilet departamentiniń baspasóz hatshysy Almas Bekbotaevtyń aıtýynsha, 2020-2022 jyldary vedomstvo jeke jáne zańdy tulǵalardyń ótinishteri boıynsha «L.O.L.SURPRISE», «SAMSUNG», «Greenfield», «Penoplex/Penopleks», «LIQUIMOLY», «Moskovskaya» taýar tańbalaryn zańsyz paıdalaný faktisi negizinde orta jáne iri kásipkerlik sýbektilerine kezekten tys 7 tekserý júrgizgen. Nátıjesinde, kináli tulǵalarǵa 920 myń teńge aıyppul salyndy.
«Zańsyz aınalymnan jalpy somasy 2 mln 638 myń 540 teńge bolatyn 2 017 ónim tárkilenip, joıyldy. Kináli tulǵalar ákimshilik jaýapkershilikke tartylyp, jalpy somasy 920 myń 218 teńge aıyppul salyndy. Quqyq buzýshylyqtardyń negizgi obektileri – turmystyq hımııa, kontratseptsııa quraldary, alkogol ónimderi, kıim-keshek jáne álemge áıgili óndirýshilerdiń taýar belgileri belgilengen avtomobıl bólshekteri, keńinen tutynylatyn taýarlar. Aıta keteıik, atalǵan zattardy zańsyz paıdalanǵany úshin jeke tulǵalarǵa – 20, shaǵyn kásipkerlik sýbektilerine – 30, orta kásipkerlik sýbektilerine – 40, iri kásipkerlik sýbektilerine – 80 AEK mólsherinde aıyppul salynady jáne taýarlar tárkilenip, joıylady. Taýar tańbasyn zańsyz paıdalaný arqyly quqyq buzylǵan jaǵdaıda, ádilet organdaryna júginýge bolady», - dedi Almas Bekbotaev óńirlik kommýnıkatsııalar qyzmetiniń alańynda.
Sondaı-aq, ol Ádilet mınıstrliginiń Ulttyq zııatkerlik menshik ınstıtýty taýar belgisin tirkeýdiń ýákiletti organy ekenin jetkizdi.
«Taýar belgisin tirkeý úshin ótinimdi rásimdep, ony QR Ádilet mınıstrliginiń Ulttyq zııatkerlik menshik ınstıtýtyna berý qajet. Ár azamat taýar tańbasyn tirkeýge ótinimdi kazpatent.kz saıtyndaǵy jeke kabıneti arqyly, www.egov.kz – QR elektrondy úkimet portaly arqyly berýge quqyly», - dedi spıker.