Almatynyń ekinshi jylý elektr ortalyǵy qashan tolyq gazǵa kóshiriledi
«Búgingi tańda Eýropalyq qaıta qurý jáne damý bankiniń erejelerimen EPC-merdigerdi tańdaý boıynsha halyqaralyq eki satyly ashyq tender jarııalandy. Onyń qorytyndysynda bý-gaz qondyrǵysyn salýda álemdik tájirıbesi bar merdiger uıym iriktep alynady. EPC-kelisimshart jasaý 2023 jyldyń aqpanyna boljanady. Al JEO-2-niń gazǵa tolyq kóshirý 2026 jyldyń jeltoqsanynda aıaqtalady. Atalǵan joba Úkimet bekitken Jol kartasy aıasynda júzege asyrylyp jatyr jáne Almaty qalasynda kómirden jylý jáne elektr energııasyn óndirýdi toqtatýǵa múmkindik beredi. Sonymen qatar qalanyń qorshaǵan ortasyna shyǵaryndylardy aıtarlyqtaı qysqartady», - dep atap ótedi Úkimet basshysy jaýabynda.
Premer-Mınıstrdiń dereginshe, jobanyń júzege asyrylýyna «Samuryq-Energo» AQ jaýapty. Memlekettik saraptama qorytyndysyna sáıkes, joba quny 324 mlrd teńgeni quraıdy.