Almatynyń eki aýdanynda sýyq sý bolmaıdy

ALMATY. QazAqparat – Naýryzbaı jáne Medeý aýdanyna qarasty birqatar turǵyn úı men ózge de ǵımarat sýyq sýdan ajyratylady, dep habarlaıdy QazAqparat tilshisi.

Bul týraly «Almaty sý» memlekettik kommýnaldyq kásiporny málim etti.

«4 naýryz kúni tańǵy saǵat 9:00-den keshki 17:00-ge deıin Naýryzbaı aýdanyna qarasty «Shuǵyla» men Jaılaý kóshesiniń boıynda ornalasqan № 2/19, 2/36, 2/39 turǵyn úıler men basqa da nysandarda sýyq sý bolmaıdy.

Sonymen qatar, 5 naýryz kúni tańǵy saǵat 9:00-den keshki 17:00-ge deıin Medeý aýdanyndaǵy Táttibekova - B.Beıimbet - Tıýlenına - Jelmaıa (Kazachka ózeni) kósheleriniń boıynda ornalasqan úıler sýyq sýdan ajyratylady», dep habarlaıdy «Almaty sý».

Sýyq sýmen jabdyqtaý qyzmetine shekteýler jańa sý qubyrlaryn magıstraldyq jelilerge qosý úshin engizildi. Áleýmettik nysandarǵa sý tapsyrys boıynsha syrttan jetkiziletin bolady. «Almaty sý» MKK ýaqytsha qolaısyzdyqtarǵa túsinistikpen qaraýdy ótinedi.