Almatynyń dárigerleri Ýnıversıada qarsańynda aǵylshyn tilin úırenip júr (FOTO)

ASTANA. QazAqparat - 2017 jyly Almatyda ótetin 28-shi Búkilálemdik qysqy Ýnıversıadada jumys isteıtin medıtsına qyzmetkerleri aǵylshyn tilin meńgerýdi qolǵa alǵan, dep habarlaıdy halyqaralyq sporttyq sharany uıymdastyrýshylar.

Qysqy stýdentter oıynyna daıyndyq aıasynda 130-ǵa jýyq medıtsına qyzmetkerleri aǵylshyn tilinen dáris alyp júr. Aǵylshyn tiliniń arnaıy kýrstary Súleıman Demırel ýnıversıtetiniń qabyrǵasynda ótýde. Sabaqtar 4 shildeden bastalǵan jáne 1 jeltoqsanǵa deıin jalǵasady.

Aǵylshyn tili pániniń muǵalimi ıAkýp Doganaıdyń aıtýynsha, aǵylshyn tilin úırenýshilerdi deńgeıine baılanysty ár topqa bólgen. «Biz barlyq medıtsına qyzmetkerlerine test berip, olardyń aǵylshyn tilin qanshalyqty deńgeıde biletinin anyqtadyq. Sosyn top-topqa bóldik.», - dedi oqytýshy.

Dáristiń basy maqsaty - Ýnıversıadaǵa atsalysatyn qalanyń mamandandyrylǵan qyzmetindegi jumyskerlerdiń aǵylshyn tilin bilý deńgeıin attyrý. Aǵylshyn tilin úıretý boıynsha baǵdarlamany  Almatynyń birneshe JOO-nyń ustazdary men Ýnıversıada dırektsııasy birigip ázirlegen.

Oqýǵa qatysyp jatqan medıtsına qyzmetkeri Janar Teshenbaeva atalǵan kýrstyń paıdasy týraly aıtyp berdi. «Aǵylshyn tilin meńgerip, ony tájirıbede qoldanǵan qandaı jaqsy. Biz úırengenimizdi Ýnıversıada kezinde qoldanamyz dep oılaımyn», - deıdi ol.

Aıta keteıik, atalǵan kýrstar qalanyń ІІD, TJD jáne ózge de qalanyń mamandandyrylǵan qyzmetterine ótkizilýde. Sabaqtar, Almatynyń 4 birdeı JOO-synda ótip júr. Atap aıtsaq: Qazaq memlekettik pedagogıkalyq ýnıversıteti, Abylaı han atyndaǵy  Qazaq halyqaralyq qatynastar jáne álem tilderi ýnıversıteti, Abaı atyndaǵy Qazaq ulttyq pedagogıkalyq ýnıversıteti jáne ál-Farabı atyndaǵy Qazaq ulttyq ýnıversıteti.