Almatynyń birqatar aýdandarynda gaz berý ýaqytsha toqtatylady

ALMATY. QazAqparat- Almatyda 13-23 maýsym aralyǵynda qalalyq energetıka jáne kommýnaldyq sharýashylyq basqarmasynyń tapsyrysy boıynsha Rysqulov dańǵyly men Saıyn kóshesiniń qıylysynda dıametri 720 mm bolatyn orta qysymdaǵy jerasty gaz qubyry kólik jol aıryǵy qurylysynyń astynan alynady.

Osyǵan baılanysty, osy merzim aralyǵynda Rysqulov - Aqsaı - Shamalǵan - Ahrımenko kósheleri kvadratynda sondaı-aq, Áıgerim-1, Áıgerim-2, Qurylysshy- 2, Kók-Qaınar, Trýdovık, batys Trýdovık, shyǵys Trýdovık, Radýga saıajaı sriktestigi, Saıaly, Shańyraq-1, Shańyraq-2, Aqbulaq shaǵyn aýdandarynda tabıǵı gazben qamtamasyz etý jumysy ýaqytsha toqtatylady.  

Jalpy, 8 728 jeke sektor abonenti, 73 ujymdyq sektor abonenti jáne 25 shaǵyn kommýnaldyq sharýashylyqtar men óndiristik kásiporyndar gaz qubyrynan sóndiriledi.