Almatynyń bilim berý uıymdaryna 2 mln teńgeden astam aıyppul salyndy

ALMATY. QazAqparat - Almatyda bıylǵy jyldyń birinshi toqsanynda 25 bilim berý uıymy karantındik talaptardy saqtamaǵany úshin jaýapkershilikke tartyldy, dep habarlaıdy QazAqparat tilshisi.

Almaty qalasynyń sanıtarııalyq-epıdemıologııalyq baqylaý departamenti habarlaǵandaı, bilim berý uıymdarynan 12 betperde rejımin saqtamaý, 12 úı-jaıdy sapasyz ylǵaldy tazalaý jáne dezınfektsııalaý, 5 karantındik sharalardy buzý derekteri anyqtaldy.

Atalǵan faktiler boıynsha jaýapty tulǵalarǵa 2 281 935 teńgege aıyppul salynyp, 23 uıǵarym shyǵaryldy.

«Bul sharalar QR Bas sanıtarııalyq dárigeriniń 2022 jyldyń 14 naýryzdaǵy №13, 25 naýryzdaǵy №18 «Bilim berý uıymdarynda shekteý is sharalaryn alyp tastaý týraly» qaýlylary kúshine enbeı turyp qabyldanǵan bolatyn», - dep habarlady Almaty qalasynyń sanıtarııalyq-epıdemıologııalyq baqylaý departamenti.

Sonymen qatar, karantındik sharalardy saqtaý boıynsha monıtorıng tobynyń jumysy jalǵasatyny atalyp ótti.

Eske sala keteıik, epıdemıologter koronavırýs shtamdary áli de qaýipti ekenin eskertken edi.