Almatynyń bilim basqarmasy jeke balabaqshalarǵa negizsiz tekserý júrgizgen - Antıkor

ALMATY. QazAqparat - Almaty qalalyq bilim basqarmasy jekemenshik mektepke deıingi uıymdardy balalardy kútip-baǵý sharttary boıynsha kórsetiletin qyzmetterdiń sapasyn tekserý úshin kedergisiz qoljetimdilikti qamtamasyz etýge mindettegen. dep habarlaıdy QazAqparat tilshisi.

Almatynyń Sybaılas jemqorlyqqa qarsy kúres qyzmeti málim etkendeı, mundaı tarmaq bilim basqarmasy men jekemenshik balabaqshalar arasyndaǵy kelisim-shartta kórsetilgen.

«Osy tarmaqqa sáıkes memlekettik organ ózine jekemenshik mektepke deıingi uıymdarda tekserýler júrgizýge ókilettik beredi, al zańnamada monıtorıng júrgizý tártibi egjeı-tegjeıli reglamenttelgen. Osyǵan baılanysty sybaılas jemqorlyqqa qarsy vedomstvo sybaılas jemqorlyq táýekelderin týdyratyn tarmaqtardy joıý boıynsha qoldanystaǵy sharttardy qaıta qaraý týraly usynymdar jiberdi»,- dep habarlady vedomstvodan.

Qazirgi ýaqytta sharttar qaıta qaraldy, mektepke deıingi uıymdarǵa zańsyz tekserýler júrgizý kezinde Sybaılas jemqorlyqqa qarsy qyzmetke júginý qajettiligi týraly habarlamalar jiberildi.