Almatynyń Bas jospary: 200 mektep pen 80 emhana salynady

ASTANA. QazAqparat – Almaty qalasynyń ákimi Erbolat Dosaev qalanyń Bas jospary qalaı qurylǵanyn aıtyp berdi, dep habarlaıdy QazAqparat tilshisi.

«Bizdiń maqsatymyz – Almatyny básekege qabiletti ekonomıkasy bar halyqaralyq deńgeıdegi jaıly jáne qaýipsiz qalaǵa aınaldyrý. 2023 jylǵy 3 mamyrda Úkimet qaýlysymen Almaty qalasynyń 2040 jylǵa deıingi Bas jospary bekitildi. Bas jospar «Almaty qalasynyń 2025 jylǵa deıingi damý baǵdarlamasyn jáne 2030 jylǵa deıingi orta merzimdi perspektıvalardy» eskere otyryp, polıtsentrızm prıntsıpterine negizdelgen», - dedi Erbolat Dosaev elordalyq Ortalyq kommýnıkatsııalar qyzmetinde ótken baspasóz máslıhatynda.

Bas josparda 2040 jylǵa qaraı halyq sanynyń 3 mln adamǵa deıin kóbeıý boljamy jáne ekonomıkanyń ortasha jyldyq 5%-ke ósýi eskerilip, 5 polıtsentr qurylymyn qalyptastyrý kózdelgen.

«Bilim berý jáne densaýlyq saqtaý nysandary qadamdyq qoljetimdilikte bolady. 200 jańa mektep jáne 80-nen astam medıtsınalyq mekeme salynady. Qoǵamdyq kólik úlesi 60%-ke deıin ulǵaıtylady. 210 km jańa joldar, 3,6 myń km ınjenerlik jeli jáne aýdany 2 750 ga jańa saıabaqtar men skverler salynady», - dedi E. Dosaev.

Aıta keteıik, Erbolat Dosaev Astanada jyl basynan bergi áleýmettik-ekonomıkalyq damý kórsetkishteri týraly esep berip jatyr.