Almatynyń bas kóshelerindegi shamdar janbaı qalýy múmkin – ákimdik
«Qyrkúıek aıynan bastap MJÁ baǵdarlamasy aıasynda qalanyń 7 negizgi kóshesinde (Súıinbaı dańǵyly, T.Rysqulov dańǵyly, Raıymbek dańǵyly, B.Maılın kóshesi, S.Seıfýllın kóshesi, Hmelnıtskıı jáne T.Jarokov kósheleri) syrtqy jaryqtandyrý júıesine modernızatsııalaý jumystary júrgizildi. Búgingi tańda qurylys-montaj jumystary 90% aıaqtaldy. Joǵaryda atalǵan kóshelerde jaryqtandyrý testileý rejiminde jumys isteıdi, paıdalanýǵa berý jumystary júrgizilýde. Osyǵan baılanysty jaryqtandyrý qurylǵylary durys jumys istemeı qalýy múmkin», - dep habarlaıdy Almaty qalasynyń Energotıimdilik jáne ınfraqurylymdyq damý basqarmasynyń ókili.
Basqarmasy ókilderi turǵyndardan jaryq qurylǵylarynyń durys jumys istemeı turǵanyn baıqasa «Almaty Qala Jaryq» servıs uıymynyń dıspetcherlik qyzmetine habarlasýyn suraıdy.
foto: www.astrobl.ru