Almatynyń bas ımamy Orazanyń talaptary týraly aıtty

ALMATY. QazAqparat- Ramazan – ustamdylyq aıy. Tamaq pen ishýden ǵana emes, kúná men zulymdyqtan da bas tartý ýaqyty. Bul týraly Almaty qalasynyń bas ımamy Tólebı Ospan brıfıng barysynda aıtty, dep habarlaıdy QazAqparat tilshisi.

Onyń aıtýynsha, Ramazan – mindetti musylman aıy. Bul Islamnyń bes tireginiń biri ári qasıetti dinniń negizi.

«Ramazan – ustamdylyq aıy. Bul tamaq pen ishýden ǵana emes, kúná men zulymdyqtan da bas tartý ýaqyty. Hadıste bylaı delingen: «Jaman sóz ben jaman isterden tyıylmaıynsha, iship-jeýden tyıylǵan adamǵa Alla taǵala muqtaj emes». Sondyqtan ashyǵý – Orazanyń talaptarynyń biri», – dep túsindirdi Tólebı Ospan.

Eske salaıyq, bıyl qasıetti Ramazan aıy 2 sáýirde bastalady. Oraza 30 kúnge sozylady. Pitir-sadaqanyń mólsheri 500 teńge. 27-28 sáýirge qaraǵan túni Kadr túni.