Almatynyń AvtoHQO-lary jumysyn qaıta bastady

ALMATY. QazAqparat - Búginnen bastap Almatynyń mamandandyrylǵan HQO-lar jumys isteı bastady. Bul týraly «Azamattarǵa arnalǵan úkimet» MK Almaty qalasy boıynsha ókili Jańyl Ápetova aıtty, dep habarlaıdy QazAqparat tilshisi.

Onyń aıtýynsha, AvtoHQO-lardyń jumys kestesi – saǵat 9.00-den 18.00-ge deıin, dúısenbi-juma aralyǵynda bolady.

«Sonymen qatar, HQO-lardaǵy qujattandyrý sektorlary men Mıgratsııalyq HQO bólimi de qaıta iske qosyldy.

Memlekettik qyzmetterdiń 80% -dan astamyn onlaın alýǵa, sondaı-aq avtokólikti Kaspi jáne Halyk Homebank bank qosymshalary arqyly qaıta resimdeýge bolatynyn eske salamyz»,- dedi Jańyl Ápetova.

Ol AvtoHQO-larda kezek týdyrmaý úshin osy servısterdi paıdalanýǵa keńes berdi.

Mamandandyrylǵan HQO ǵımaratyna kirý Ashyq qosymshasy arqyly júzege asyrylady. Epıdemıologııalyq jaǵdaıǵa baılanysty klıentter sanıtarlyq qaýipsizdik erejelerin saqtaýy tıis – áleýmettik qashyqtyqty saqtap, betperde taǵýy kerek.

Buǵan deıin «Azamattarǵa arnalǵan úkimet» memlekettik korporatsııasy» KE AQ Almaty qalasy fılıaly qalada nelikten AvtoHQO-lardyń áli iske qosylmaýynyń sebebin aıtqan bolatyn.