Almatynyń Alǵabas yqsham aýdanynda sý tarıfi tómendetildi

ALMATY. QazAqparat - Tabıǵı monopolııalardy retteý komıtetiniń Almaty qalasy boıynsha departamenti «Alǵabas» tutyný kooperatıviniń 2020 jylǵa bekitilgen tarıf smetasynyń oryndalýyna taldaý júrgizdi, dep habarlaıdy QazAqparat tilshisi.

Departamenttiń málimetishe, taldaý qorytyndysy boıynsha bekitilgen tarıf smetasynyń shyǵyn baptarynyń 5%-dan astamy oryndalmaǵany anyqtaldy. QR Ulttyq bankiniń bazalyq mólsherlemesin eskere otyryp, negizsiz kiris somasy 12 mln 470 myń 340 teńge dep esepteldi.

Osyǵan baılanysty, departament «Alǵabas» TK-nyń tutynýshylary úshin sý berý qyzmetine QQS-syz, qoldanystaǵy tarıften 35,26 teńgege nemese – 33,81% - ǵa (qoldanystaǵy tarıf 104,26 teńge/m3) tómendetilip – 69,00 teńge/m3 mólsherinde ýaqytsha ótemdik tarıf bekitti.

«Tómendetilgen tarıftiń qoldaný kezeńi 2021 jylǵy 1 qarashadan bastap 2022 jylǵy 31 qazanǵa deıin qoldanylady», delingen habarlamada.

Avtory Dýman Arǵyngeldi