Almatynyń 6 bazarynda áleýmettik dúkender ashyldy

ALMATY. QazAqparat- Baqytjan Saǵyntaev halyqpen onlaın formattaǵy eseptik kezdesýde turǵyndarynyń suraqtaryna jaýap berdi. Kezdesý barysynda 1308 nómirli biryńǵaı arna jumys istedi. Turǵyndar azyq-túlik baǵalary boıynsha kóptep suraq qoıdy, dep habarlaıdy QazAqparat tilshisi.

Qalanyń basty maqsatynyń biri – shahardyń azyq-túlik qaýipsizdigin qamtamasyz etý jáne áleýmettik mańyzy bar azyq-túlik taýarlarynyń baǵasyn ustap turý.

Almatyda suranysy joǵary azyq-túlik túrlerin (qaraqumyq jarmasy, kespe ónimderi, kúnbaǵys maıy, kúrish jarmasy, qant, aıran, maı, sút, súzbe, taýyq eti, áleýmettik nan) baǵasyn turaqtandyrý boıynsha sharalar qabyldandy.

Ótken jyldyń kúrdeli kezeńine qaramastan, qalalyq bıýdjetten 7 mlrd teńge bólinip, áleýmettik mańyzy bar ónimderdiń qory jasaldy.

«Byltyr biz bıýdjetten 7 mlrd teńge bólip, áleýmettik mańyzy bar azyq-túlik taýarlarynyń qoryn qurdyq. Almatyda saýda nysandaryndaǵy áleýmettik mańyzy bar azyq-túlik taýarlarynyń bekitilgen tizbesiniń 19 túriniń 18 túriniń quny saralandy. Qazaqstan boıynsha eń tómengi baǵa bizde. Eger biz bul jumysty júrgizbegende, baǵa odan ári sharyqtaǵan bolar edi», - dedi ákim.

Ol jumyrtqa baǵasyna qatysty qoıylǵan suraqqa Almatyda ǵana emes, jalpy Qazaqstanda, tipti BAQ málimetteri boıynsha Reseıde de jumyrtqa baǵasynyń ósip ketkenin aıtty.

Sarapshylardyń pikirinshe, bul baǵalardyń maýsymdyq ósýi, óıtkeni qus azyǵy, dándi jáne maıly daqyldardyń qymbattaǵan ári birqatar qus fabrıkalarynda ónim tómendegen.

Sonymen qatar, Qalanyń alty iri azyq-túlik bazarynda áleýmettik mańyzy bar azyq-túlik ónimderin belgilengen baǵamen satý úshin áleýmettik dúkender ashyldy.

Áleýmettik dúkenderdegi azyq-túlik baǵasy naryqtaǵy ortasha deńgeıden 20-30% tómen.

Bazarlardyń mekenjaıy:

- Kókbazar, Jibek Joly 53;

- Tastaq, Tólebı, 266

- Almaty -1, Sholohov kóshesi 2ú/1

- Taýsamaly, Taýsamaly - 1

- Jańa Aqbulaq, Rozybakıev kóshesi 33/1

- Saryarqa, 4 yqshamaýday 27 b

Baǵa ózgerisin qalanyń azyq-túlik ónimderiniń qaýipsizdigi www.almatyazyk.kz veb-saıtynan baqylaýǵa bolady.

Belgilengen baǵa: Qartop – 150 teńge, sábiz – 145 teńge, pııaz – 85 teńge, qyryqqabat – 75 teńge, qant – 249 teńge, qaraqumyq jarmasy – 349 teńge, kúnbaǵys maıy (№1 Maızaýyty) – 655 teńge,kúnbaǵys maıy (Maıskoe) – 573 teńgeden, kúrish jarmasy (Lıder, Kamolıno) – 275 teńge,ólshemdi kespe túrleri – 199 teńgeden, birinshi surypty un (Aqsaraı 2 kg) – 409 tegenden satylady.