Almatynyń №2 ýchaskesindegi daýys nátıjeleri referendýmnyń túpkilikti qorytyndysyna engizilmedi

NUR-SULTAN. QazAqparat – Almaty qalasynyń №2 ýchaskesindegi daýys berý nátıjeleri referendýmnyń túpkilikti qorytyndylaryna engizilgen joq. Bul týraly QR Ortalyq referendým komıssııasynyń tóraǵasy Nurlan Ábdirov aıtty, dep habarlaıdy QazAqparat tilshisi.

«Qorytyndylardy shyǵarý kezinde Ortalyq komıssııa Almaty qalasy aýmaqtyq komıssııasynyń ótinishin nazarǵa aldy. Aýmaqtyq komıssııa usynǵan materıaldyń negizinde «Respýblıkalyq referendým týraly» Konstıtýtsııalyq zańnyń 21, 31-baptaryna sáıkes, Ortalyq komıssııa ákimshilik-aýmaqtyq birlikterdiń jekelegen ýchaskelerinde referendýmnyń ótkizilýin jaramsyz dep tanı alady. Osyǵan baılanysty Almaty qalasynyń №2 ýchaskesindegi daýys berý nátıjeleri referendýmnyń túpkilikti qorytyndylaryna engizilgen joq», - dedi Nurlan Ábdirov.

Komıssııa tóraǵasynyń dereginshe, jaýaptardyń eki nusqasy da tańdap alynǵan, ıaǵnı, jaramdy dep tanylǵan, alaıda daýystardy sanaý kezinde eskerilmeıtin bıýlletender sany 1,58 paıyzdy nemese 125 859 bıýlletendi qurady.

«Qalǵan bıýlletender, al bul belgilenbegen úlgidegi ne daýys berýshilerdiń erik bildirýin anyqtaý múmkin emes bıýlletender jaramsyz dep tanylady. Mundaı bıýlletender sany 2,58 paıyzdy nemese 205 924 bıýlleten boldy», - dedi ol.