Almatyny abattandyrý: 12,5 myń adam jumyspen qamtylady

ALMATY. QazAqparat – Almaty qalasynyń ákimi Baqytjan Saǵyntaev jumys sapary barysynda qoǵamdyq keńistikti abattandyrý jáne kógaldandyrý jónindegi jobalarmen tanysty, dep habarlaıdy QazAqparat tilshisi.

Qala ákimdiginiń baspasóz qyzmetiniń habarlaýynsha, jobalar «Jumyspen qamtýdyń jol kartasy» baǵdarlamasy aıasynda júzege asyrylady. Qoǵamdyq keńistikti abattandyrý jáne kógaldandyrý boıynsha jobalardy iske asyrý kezinde «Jańa Almaty» shaǵynaýdany basty nazarda bolady.

«Bir ǵana Alataý aýdanynda birden 20 joba josparlanǵan. Onyń ishinde «Qarasý» shaǵynaýdanynda rekreatsııalyq aımaq qurylysy, «Shapaǵat» jáne «Zerdeli» shaǵynaýdandaryndaǵy skverlerdi jóndeý jumystary bar. Mundaı jumystar basqa aýdandarda da júrgiziletin bolady», – dep atap ótti B. Saǵyntaev.

Shahar basshysynyń aıtýynsha, qala turǵyndarynyń ýaqyttaryn qolaıly ótkizý úshin jaıaý júrginshiler aımaǵyn jáne kóppáterli turǵyn úılerge irgeles aýmaqtardy abattandyrý, balalar alańdary men aýladaǵy sport alańdaryn salý, aryq júıesi men jaryqtandyrýdy jóndeý jumystary qarastyrylǵan.

«Oryndyqtar, jaryq kózderi (fonarlar) sekildi bezendirý elementteri yńǵaıly ári qala turǵyndaryna uzaq ýaqyt qyzmet etýi úshin joǵary sapaly materıaldardy paıdalanýdy qamtamasyz etý kerek. Sondaı-aq, bul jabdyqtar qazirgi jáne jańadan qurylǵan qalalyq keńistikterdiń sáýlettik kelbetine sáıkes bolýy tıis», – dedi ákim.

«Eldi mekenderdi abattandyrý» baǵyty boıynsha 12,5 myń jumys ornyn qamtıtyn 125 joba iske asyrylatyn bolady. Jalpy, aǵymdaǵy jyly JQJK aıasynda 214 joba boıynsha 26 myń adam jumysqa ornalasady.