Almatylyqtardyń ystyq sý men jylýǵa qaryzy 1,7 mlrd teńgege jetti
«Búgingi tańda tutynýshylardyń paıdalanǵan ystyq sý men jylý úshin kásiporyn aldyndaǵy jalpy qaryzy shamamen 1,7 mlrd teńgeni quraıdy. Onyń 972,01 mln teńgesi nemese 57% -y turǵyndarǵa tıesili. Sonymen qatar, kórsetilgen somanyń tek 30% -y ǵana AJJ alady. Qalǵan 70% -y jylý energııasyn jetkizýshileriniki », - dep habarlaıdy «Almaty jylý jelileri» JShS.
Qarjy resýrstardyń jetispeýshiliginen, «Almaty jylý jelileri» JShS jylý energııasyn óndirýshiler aldyndaǵy mindetterin oryndaı almaı otyr. Tólemnen túsetin qarjy TETs qazandyqtaryna otyndyq satyp alýǵa, óndirý protsesterin qamtamasyz etýge, jabdyqtardy jóndeýge jáne jańartýǵa jumsalýy tıis bolǵan.
«Almaty jylý jelileri» JShS jylý óndirýshiler aldyndaǵy qaryzy 3,5 mıllıard teńgeni quraıdy.
«Tólemniń keshendi júrgizilmeýi, jabdyqtardyń jumysyna, tótenshe jaǵdaılardy azaıtýǵa, búkil jylýmen jabdyqtaý júıesiniń jumysyn qamtamasyz etýge jáne ony jylytý maýsymyna daıyndaýǵa keri áserin tıgizedi. Sondyqtan AJJ tutynýshylardan qaryzdy óndirip alý úshin shara qoldanýǵa májbúr. Ystyq sý berýdi toqtatamyz», - dep málimdedi vedomstvodan.
Sonymen birge, kompanııa boryshkerler eskertýden keıin de qaryzdaryn tólemeıtin bolsa, olarǵa jylý berilmeıtinin habarlady. Taǵy bir eskeretin jáıt, kommýnaldy qyzmetke aqy tólemegenderdiń jeke múlkine, atap aıtqanda, avtokólik, qarjysyna deıin shekteý qoıylady. Tipti, basqa elge barýyna da kedergi keltiriledi.