Almatylyqtardyń Mindetti medıtsınalyq saqtandyrý qoryndaǵy qarjysy 12 mlrd teńgege jetti
13:33, 10 Sáýir 2018
ALMATY. QazAqparat - Almatylyqtardyń Mindetti áleýmettik medıtsınalyq saqtandyrý qorynda jınaǵan somasy 12 mlrd teńge boldy, dep habarlaıdy QazAqparat tilshisi.
Qordyń Almatydaǵy bólimshesiniń baspasóz qyzmeti taratqan aqparatqa sáıkes, Qazaqstanda jumys berýshiler men jeke kásipkerler MÁMS qoryna 2017 jyldyń 1 shildesinen 2018 jyldyń 31 naýryzyna deıin 55,1 mlrd teńge aýdarǵan.
Onyń ishinde 7,7 mlrd teńgesi naýryzdyń enshisinde.
Mamandardyń aıtýynsha, Almaty aýdarylǵan soma boıynsha kósh bastap tur.
«Almatyda jumys berýshiler men jeke kásipkerler mindetti medıtsınalyq áleýmettik saqtandyrý qoryna12 mlrd teńge aýdardy. Bul Qazaqstan boıynsha túsken túsimniń 21,5 paıyzyn quraıdy. Ekinshi orynda Astana (12,5%) bolsa, úshinshi orynda Qaraǵandy oblysy (8,1% ) keledi», - dedi baspasóz qyzmetinen.