Almatylyqtardyń Medıtsınalyq saqtandyrý qoryndaǵy jarnasy 38 mlrd teńgeden asty

ALMATY. QazAqparat –2020 jyldyń 11 aıynda Medıtsınalyq saqtandyrý qoryna 222,5 mlrd teńgege jýyq qarjy jınaqtaldy. Bul týraly «Áleýmettik medıtsınalyq saqtandyrý qory» KEAQ Almaty qalalyq fılıalynynyń dırektory Tileýhan Ábildaev málim etti,dep habarlaıdy QazAqparat tilshisi.

«Almaty qalasy respýblıka boıynsha jarnalar men aýdarymdardyń kólemi jaǵynan kósh bastap tur – jınaqtalǵan somanyń besten bir bóligi burynǵysha, ońtústik astananyń enshisinde. 2020 jyldyń 1 qańtarynan 30-qarashasyna deıingi aralyqta Almaty qalasynan qorǵa 38,8 mlrd teńgeden astam jarna aýdaryldy. Onyń 25 mlrd teńgesi – jumys berýshilerdiń qaramaǵyndaǵy jumyskerler úshin jasaǵan aýdarymdary bolsa, qalǵan 13,7 mlrd teńge – jeke kásipkerler men azamattyq-quqyqtyq kelisimshart boıynsha eńbek etetinderge tıesili», - dedi fılıal dırektory Tileýhan Ábildaev.

Sondaı-aq, biryńǵaı jıyntyq tóleýshiler sany da artyp keledi. Almaty qalasy boıynsha 2019 jyl basynan beri ózin-ózi jumyspen qamtyǵan 195 myńnan astam adam 345,4 mln teńge kóleminde biryńǵaı jıyntyq tólem (BJT) tólegen.