Almatylyqtardyń kólik salyǵy boıynsha bereshegi 6,2 mlrd teńgege jetken

ASTANA. QazAqparat - QR Qarjy mınıstrligi Memlekettik kirister komıtetiniń málimetine sáıkes, atalǵan qaryzdyń ishinde ótken jyldyń statıstıkasy joq, dep xabarlaıdy QazAqparat tilshisi.

"Bárimiz jaqsy bilemiz, búginde salyq retinde túsetin qarjy memlekettiń áleýmettik baǵdarlamalaryna jumsalady. Máselen, Almaty qalasyn alaıyq, ol jaqta 150 000 adam kólik salyǵynan jaltarýda. Qaryzdyń jalpy kólemi 6,2 mlrd. teńgeni qurap otyr. Onyń ishinde 2016 jyldyń bereshegi joq. Bul tek 2015 jylǵa deıingi qaryzdyń kólemi. Endi, bir elestetip kórińizshi, 6,2 mlrd. teńgege qalanyń aýmaǵynda qanshama áleýmettik máselelerdi sheshýge bolady", - dedi Memlekettik kirister komıtetiniń ókili Jambyl Suraǵanov búgin Astanadaǵy baspasóz máslıxatynda.

Onyń aıtýynsha, búginde kólik salyǵy boıynsha bereshegi bar azamattarǵa aldymen eskertý xattar jiberiledi. Bir aıdyń ishinde qaryz tólenbese, Memlekettik kirister komıteti sottyń kómegine júginedi. Ondaı materıaldar on kúnniń ishinde qaralady.

Aıta keteıik, búgingi brıfıngte OKQ resmı ókili Májilis pen Senat depýtattarynyń osy aptadaǵy jumys kestesin jarııalady. 

Densaýlyq saqtaý mınıstrliginiń shtattan tys bas transplantology Serik Jaryqov bolsa, Almaty qalasynda bir búıregin berýge kelisken adamnyń qaıtys bolǵany týraly aqparatty rastady. 

Budan bólek, búgin "Saxnager" ulttyq teatr syılyǵyn tabystaý saltanaty ótedi. 

Al EKSPO aıasynda qosymsha 14 poıyz jolaýshylardy tasymaldaıtyn bolady.