Almatylyqtardyń 81,1% MÁMS júıesinde saqtandyryldy
Bul týraly onlaın brıfıngte Almaty qalasy Áleýmettik medıtsınalyq saqtandyrý qory fılıalynyń dırektory Tileýhan Ábildaev aıtyp berdi, dep habarlaıdy QazAqparat tilshisi.
2022 jyly MÁMS aıasynda 187 medıtsınalyq uıymmen 213,2 mlrd teńgege shart jasaldy. Onyń ishinde: tegin medıtsınalyq kómektiń kepildik berilgen kólemi (TMKKK) sheńberinde 117,7 mlrd teńge, MÁMS júıesinde – 95,4 mlrd teńge. Sondaı-aq, bıyl taǵy 12 medıtsınalyq uıym qosyldy.
«Ulttyq ekonomıka mınıstrliginiń derekterine sáıkes, Almaty qalasynyń 2 024 989 turǵynynyń ishinde saqtandyrylǵan halyqtyń sany (2022 jylǵy 1 aqpandaǵy jaǵdaı boıynsha) 81,1%-dy qurady. Saqtandyrylmaǵandardyń sany 382 940 adamdy nemese 18,9% quraıdy», - dedi Tileýhan Ábildaev.
Spıker sondaı-aq saqtandyrylǵan turǵyndarǵa MÁMS áleýetiniń arqasynda barlyq josparly, qymbat konsýltatsııalyq-dıagnostıkalyq qyzmetterdiń qoljetimdi ekenin eske saldy.