Almatylyqtardyń 32 mln teńgesin qoldy etken Safari Mebel basshysy qamaýǵa alyndy
Almaty qalalyq polıtsııa departamentiniń málimetinshe, qylmystyq is sotqa deıingi tergeýdiń biryńǵaı tizilimine QR QK-niń 190-baby 3-bóliginiń 4-tarmaǵyna sáıkes tirkelgen.
«Qylmystyq is materıaldarynan Safari Mebel fırmasynyń dırektory S. esimdi azamattyń jáne basqa da tulǵalardyń áleýmettik jelide óz qyzmeti týraly habarlandyrýlar ornalastyrý arqyly tutynýshylardy qyzyqtyrǵan. Kúdiktiler tutynýshylardyń senimine kirip,naqty tapsyrys boıynsha ólshemder júrgizip, aldyn ala tólem alǵan, tipti ony óndirýge naqty múmkindikteri bolmasa da, jıhazdaryn jasaý men ornatýǵa kelisim-sharttar jasaǵan», – dedi Almaty qalalyq Polıtsııa departamenti bastyǵynyń orynbasary Rústem Ábdrahmanov.
Polıtsııa ókiliniń aıtýynsha, qazirgi ýaqytta 30-dan astam azamat aryz túsirgen. Jalpy materıaldyq shyǵyn 32 mln teńgeden asady.
«Osy kúdiktilerdiń qylmystyq áreketinen zardap shekken azamattar bizge 8-777-250-68-37 Erǵalı Ibraımov jáne 8-701-624-28-24 Qaırat Qasymbaev telefondary arqyly habarlasýlaryńyzdy suraımyz», – dedi Rústem Ábdrahmanov.