Almatylyqtardy qanttyń ár saýda ornynda ártúrli baǵasy tańqaldyrdy

ALMATY. QazAqparat - Almatylyqtardy qanttyń ártúrli baǵasy tańqaldyrdy. Osyǵan oraı qalada aýdan ákimdigi áleýmettik mańyzy bar ónimniń qunyn asyra kóterý faktisin tekserdi, dep habarlaıdy QazAqparat tilshisi.

Facebookáleýmettik jelisinde qala turǵyny Shalıapın – Momyshuly kósheleriniń qıylysyndaǵy dúkenderdiń birinen qanttyń kelisin 750 teńgeden, al qalanyń basqa bir bóliginde ony 475 teńgeden satyp alǵanyn jazǵan. Sondaı-aq ol túbirtekterdiń sýretin júktedi.

Áleýmettik jelidegi jazbadan keıin Áýezov aýdanynyń ákimdigi atalǵan dúkendi tekserdi. Qanttyń qymbattaý faktisi rastalmady.

«Qazir ol jerde qanttyń kelisi 496 teńgeden satylyp jatyr. Dúken ákimshiligi baǵany kótermegenin aıtty», – deıdi Áýezov aýdany ákimi apparatynyń kásipkerlikti jáne ónerkásipti damytý bóliminiń basshysy Aıbol Ómirbekov.

Sonymen qatar, ol aýdanda áleýmettik mańyzy bar azyq-túlik taýarlarynyń negizsiz qymbattaýyna baılanysty úı mańyndaǵy azyq-túlik dúkenderi men bazarlarǵa apta saıyn monıtorıng júrgiziletinin jetkizdi.

Onyń aıtýynsha, búginde qala boıynsha qanttyń kelisi ortasha eseppen 450 teńge.

Buǵan deıin QR Saýda jáne ıntegratsııa mınıstrligi elde qant tapshylyǵy joq ekenin habarlaǵan bolatyn.