Almatylyqtardy búginnen bastap «Pfizer» vaktsınasymen egý bastalady

ALMATY. QazAqparat – Almatyda koronavırýstyq ınfektsııaǵa qarsy vaktsınatsııalaý jáne revaktsınatsııalaý jalǵasýda. Bul týraly Óńirlik kommýnıkatsııalar qyzmetiniń brıfıngisinde Almaty qalasy Qoǵamdyq densaýlyq saqtaý basqarmasy epıdemıologııalyq baqylaý bóliminiń basshysy Vladımır ıÝsýpov aıtty, dep habarlaıdy QazAqparat tilshisi.

«Almatyda ambýlatorııalyq-emhana jelisindegi medıtsınalyq uıymdarda, onyń ishinde jekemenshik medıtsınalyq ortalyqtarda tirkelgen turǵyndardy koronavırýstyq ınfektsııaǵa qarsy vaktsınatsııalaý jáne revaktsınatsııalaý jalǵasýda. Qazir qalada «KazVak» jáne «Sınofarm» vaktsınalary qoldanylýda. Búginnen bastap turǵyndardy «Pfizer» vaktsınasymen ımmýndaý josparlanýda», - dedi spıker.

Onyń aıtýynsha, 2021 jyldyń 1 aqpanynan bastap búgingi kúnge deıin aıaqtalǵan vaktsınatsııa kýrsymen 1 mln 221 152 adam qamtyldy.

«Bul 93%-dy quraıdy. Qalǵandary Qazaqstan Respýblıkasynan ketkendikten ekpe almaǵan bolýy múmkin. Olardyń arasynda ekinshi dozamen vaktsınatsııalaý kezinde vaktsınatsııaǵa qarsy kórsetilimderi barlary da anyqtaldy, ıaǵnı júktilik, jańadan anyqtalǵan aýrýlar jáne basqasy»,- dedi Vladımır ıÝsýpov.

Vaktsınatsııanyń tolyq kýrsymen 640 069 adam revaktsınatsııalandy.

«Búgingi tańda qalanyń medıtsınalyq uıymdarynyń balansynda «QazVac» vaktsınasynyń 7416 dozasy, «SinofarmVeroCell» vaktsınasynyń 5633 dozasy jáne «Pfizer» vaktsınasynyń 25 740 dozasy bar», - dep túıindedi ol.