Almatylyqtar jóndelip jatqan kóshelerdi 2GIS arqyly kóre alady
Ákimdiktiń málimetinshe, Almatyda magıstraldyq jáne aýdandyq kóshelerde jol jóndeý jumystary jalǵasýda. Osyǵan baılanysty megapolıs turǵyndary men qonaqtaryn jóndeletin ýchaskelerdiń jabylýy, aınalyp ótýdiń yqtımal joldary týraly ózekti aqparat týraly jedel habardar etý maqsatynda Almaty ákimdigi 2GIS ákimshisimen kelisim jasady.
«Jol jumystaryna baılanysty barlyq jol jabyndylary 2GIS júıesine biriktirilgen. Qosymshada barlyq jabyq kósheler men jol jumystary kartada kórsetiledi. Aqparat kún saıyn jańartylyp otyrady, osylaısha qalanyń árbir turǵyny óz baǵytyn kidirissiz josparlaı alady. Kartadaǵy jabyq kósheler qara túspen belgilenedi, sonymen qatar paıdalanýshylar «keptelis» qabaty arqyly jol keptelisin aınalyp óte alady«, - dep habarlady Almaty ákimdigi.
Eske salsaq, bıyl Almatyda uzyndyǵy 200 shaqyrymnan asatyn 230 kósheni ortasha jóndeý josparlanǵan. Ótken jyly 210 kósheni jóndeý júzege asyryldy.
»Jyl saıyn kem degende 200 shaqyrym jol jóndeý joldardyń jaqsy jáne qanaǵattanarlyq jaǵdaıdaǵy úlesin aǵymdaǵy 86%-dan 89%-ǵa deıin arttyrý úshin qajet«, - dep habarlady ákimdikte.