Almatylyqtar joldyń jabylýy týraly telegram arqyly bile alady

ALMATY. QazAqparat – Qala ákimdigi Almatydaǵy joldyń jaıyna qatysty jańa aqparattyq resýrs ashty, dep habarlaıdy QazAqparat tilshisi.

«Telegram platformasynda Almaty_Joly jańa arnasy paıda boldy. Onda aýdandyq mańyzy bar kósheler men magıstraldy joldardy jóndeý kezindegi qaladaǵy kólik qozǵalysyn uıymdastyrý týraly barlyq aqparat jınalǵan. Arnadaǵy málimetter qalalyq mobıldilik basqarmasy bergen ózekti derekter negizinde jazylady», - dep habarlady qalalyq ákimdikten.

Buǵan qosa, Almaty ákimdigi 2GIS servısi arqyly qala turǵyndaryn jol jóndeý jumystary jaıly qulaqtandyrýǵa qol jetkizdi. Qosymshadan paıdalanýshylar qaladaǵy jabylǵan kósheler men jol jumystaryn bile alady.

Jol jóndeý jumystary júrgizilip jatqan aýmaqtar týraly sońǵy aqparat qala ákimdigi men qalalyq mobıldilik basqarmasynyń resmı paraqshalarynda da jarııalanady.

Eske salsaq, bıyl Almatyda uzyndyǵy 200 shaqyrymnan asatyn 230 kósheni ortasha jóndeý josparlanǵan. Ótken jyly 210 kósheni jóndeý júzege asyryldy.