Almatylyqtar Uly Otan soǵysy jyldary Qazaqstanda qurylǵan brıgadalar men dıvızııalardyń shaıqasqan jerlerine avtosherý ótkizbek
Aktsııa «Aqparattyq bastama» Korporatıvti qory men «Jalǵas» mekemesiniń uıymdastyrýymen jáne QR Mádenıet mınıstrliginiń qoldaýy arqyly júzege aspaq.
«Jalǵas» mekemesiniń atqarýshy dırektory Mıhaıl Tıýnınniń aıtýynsha, avtosherýdiń júrý barysynda konferentsııa, qozǵalmaly kishi kórmeler men Qazaqstan, Reseı jáne Belarýs jerlerinde dóńgelek ústelder ótkizilip, qazaqstandyqtardyń soǵysqa qosqan úlesteri jaıly aıtylmaq.
«Biz qoǵam nazaryn mamyrdyń 9-nan basqa da kóptegen tarıhı kúnder men soǵysqa qatysty aqparattyq jeleýler bar ekenine aýdarǵymyz keledi. Múmkin osy sharalardyń nátıjesinde jastarymyz mańaıyndaǵy ardagerlerge qolushtaryn beredi degen úmittemiz», deıdi M.Tıýnın.
Sondaı-aq ol 1200 shaqyrymdyq avtosherý baǵyty boıynsha Almaty, Balqash, Qaraǵandy, Chelıabi, Ýfa, Samar, Máskeý jáne Máskeý oblysy, Pskov oblysy men Mınsk qalalaryn basyp ótetindigin aıtady.
«Reseıdiń patrıottyq uıymdarymen birigip Velıkıe Lýkı qalasynda qazaqstandyqtardyń Pskov oblysynyń urystarynda qatysýy atty dóńgelek ústel ótkizýdi josparlap otyrmyz jáne Novosokolnık pen Nevel qalalarynda eske alý aktsııasy men Keńes Odaǵynyń Batyrlary Á. Moldaǵulova men M.Mámetovanyń qabirlerine gúl shoqtaryn qoıý rásimin kózdep otyrmyz», deıdi jobanyń tarıhı keńesshisi Sergeı Knıajevskıı.
Patrıottyq avtosherý Belarýs jerindegi Keńes Odaǵynyń eki márte Batyry qazaqstandyq L.I. Bedanyń qabirine saltanatty túrde gúl shoqtaryn qoıýmen aıaqtalmaq.